Albistea entzun

Protesta

Belateko tunela itxiko dute gaur premiazko neurriak eskatzeko

N-121-A errepidearen inguruko herrietako 64 alkatek eta Oronozko parkeko 33 suhiltzailek itxiko dute errepidea. Salatu dute Belateko eta Almandozko tunelek ez dituztela Europako segurtasun legediak betetzen.

Belateko tunela, artxiboko irudian.
Belateko tunela, artxiboko irudian. Jon Urbe/Foku Tamaina handiagoan ikusi

Ainhoa Larretxea Agirre -

2021eko martxoak 16

N-121-A errepidearen inguruko herrietako 64 alkatek eta Oronozko parkeko 33 suhiltzailek errepidea itxiko dute gaur Belate parean (Nafarroa), premiazko neurriak eskatzeko. Arratsaldeko 18:00etan egingo dute, Belateko tuneletan, Almandozko aldean. 

N-121-A errepideak Behobia (Gipuzkoa) eta Iruñea lotzen ditu, eta Nafarroa iparraldeko herriak hiriburuarekin lotzen dituen errepide nagusia da. Egunean, batez beste, 11.000 ibilgailu pasatzen dira bide horretatik, eta haietako 2.800 inguru ibilgailu astunak dira, Nafarroako Gobernuaren azken datuen arabera.

Errepide horretan daude, hain zuzen, itxiko dituzten tunelak: Almandozkoa eta Belatekoa. 1997an inauguratu zituzten, eta, alkateek salatu dutenez, ez dituzte segurtasun neurriak betetzen: «Gobernuak 15 urteko epea izan zuen segurtasun araudira egokitzeko. Epea bukatu da, baina oraingo gobernuak deus egin gabe segitzen du».

Argi utzi dute Europak ezarritako araudia argia dela, eta nabarmendu dute tunelen egoera kaskarragatik gobernuak izan dezakeen isuna alde batera utzita, neurriak hartu behar direla tunelak behin betiko egokitzeko, luze gabe erabiltzaileen segurtasuna ziurtatzeko. «Ulertezina da egungo gobernuaren jarrera. Azpiegiturek duten arrisku maila handiaren jakitun daude, baina ez dute neurririk hartzen, eta, horren ondorioz, egunero aurre egin behar diogu tunel barrenean sutea izateak sortuko lukeen arrisku larriari».

Gaur errepidea mozteaz gain, bertzelako mobilizazioak ere egin bide dituzte alkateek; gaur eginen duten agerraldian emanen dute horien berri. Bernardo Ziriza Nafarroako Gobernuko Lurralde Kohesio kontseilariari eskatuko diote premiazko neurri osagarriak ezarri eta hartzeko, behin-behinean eta azpiegitura horiek aipatutako zuzentarauak eskatzen duen segurtasun-mailara behin betiko egokitzen ez diren bitartean.

2+1 bihurtuko dute

Nafarroako Gobernuak hasi berri ditu errepidea 2+1 bihurtzeko lanak. Gobernuaren hitzetan, horrek konponduko ditu gaur egun dauden segurtasun arazoak. 2+1eko bide bihurtzeak erran nahi du errepidea noranzko biko galtzada bat izanen dela, eta erdian dagoen erreia aurreratzeko baliatuko dela, tarteka noranzko batean eta tarteka bertzean, erdibitzaile batek bereizita. Errepide inguruko 22 herritako alkateak, ordea, kexu dira, eta lanak egiteaz gain salgaien nazioarteko garraioa N-121-A errepidetik ateratzeko eskatu dute.

Herritarrak behin baino gehiagotan atera dira karrikara, Nafarroako Gobernuari konponbide bat eskatzeko. Iazko otsailaren 28an, adibidez, 1.500 pertsonak baino gehiagok egin zuten protesta Beran, «segurtasuna» eskatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Muxikan (Bizkaia), Undabaso eremuanlandatzen ari diren sailetako batzuk. ©OSKAR MATXIN / FOKU

Zerbait gertatzen ari da Undabason

Igor Susaeta

Tokiko ekosistemak eta bioaniztasuna leheneratzeko asmoarekin, Lurgaia fundazioak helburu du Urdaibaiko biosfera erreserbako harizti mistorik handiena sortzea. Dozena bat urteko lanaren ondoren, jada 163 hektarea kudeatzen ditu Muxikan, 'Undabaso' deitu dioten gunean. Hasiak dira eremu horretan prozesu ekologiko batzuk antzematen.
Itsasondo. ©Ariane Vierbücher

Lurra, interes publikoaren mesedetan

I. Susaeta

Itsasondoko Udala duela dozena bat urte hasi zen lursailak erosten. Alkatearen esanetan, «herritarrek erabiltzeko moduko mendiak» nahi dituzte. Etorkizunean lurrak izango duen garrantziaz ohartarazi du.
Guardia Zibila, kanpaldia egiten ari zirenengana gerturatzen. ©IÑIGO URIZ / FOKU

Kanpaldia egiten segitu nahi dute Aroztegiko proiektua gelditu arte

Irati Urdalleta Lete

Guardia Zibila hiru aldiz agertu da. Lekarozen elkarretaratzea egin dute, 228 etxebizitza, hotel bat eta golf zelaia eraikitzeko proiektua gelditzeko
Anbulantziak, Donostia ospitaleko larrialdietarako sarreran. ©GORKA RUBIO / FOKU

Ospitaleetako presioak ez du etenik, positiboen hazkundea apaldu arren

Ion Orzaiz

116 pertsona erietxeratu dituzte COVID-19ak jota, eta 182 gaixo larri daude ZIUetan. 985 kasu atzeman dituzte, eta positibo tasa %7,9 da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna