Datorren urtetik aurrera, Gipuzkoan garraio publikoan erabiltzen den Mugi txartela Bilboko metroan eta Gasteizko autobusetan ere erabili ahal izango da. Lehen hiruhilekoan jarriko dute martxan Bizkaiko hiriburuko metroan, eta bigarrenean Arabako hiriburuko autobusetan. Arabako Aldundiaren autobusetan jada badago erabilgarri.
Eusko Jaurlaritzako Lurralde Antolaketa, Etxebizitza eta Garraio Sailak eman du horren berri, Bizkaiko Garraio Kontsortzioarekin, hiru aldundiekin eta garraio konpainiekin bildu ostean. Ohar baten bidez azaldu duenez, hiru lurraldeetan hiru txartelak erabilgarriak izatea da helburua. Iñaki Arriola sailburuak azpimarratu du erakundeen laguntzari esker ari direla norabide horretan aurrera pausoak ematen.
Orain, Bilboko metroan, Barik Bizkaiko txartela eta Bat Arabakoa erabil daitezke.
