EB Europako Batzordeak Pfizer-BioNTech enpresa farmazeutikoarekin adostu du COVID-19aren aurkako txertoaren 10 milioi dosi aurreratzeko. Hasieran, urtearen bigarren erdian zen jasotzekoa EB txerto horiek, baina, lortutako akordioari esker, urtearen bigarren hiruhilekoan iritsiko dira, hau da, uda aitzinetik. Txerto gehiago iristeak, beraz, txertaketa kanpaina azkartzea eragingo luke
Ursula Von der Layen Europako Batzordeko presidenteak nabarmendu du estatu kideentzat oso garrantzitsua dela txerto horiek uda aitzinetik jasotzea, txertaketa kanpaina diseinatzeko. Horiek horrela, aitzindutako 10 milioi txertoekin, EBk 200 milioi txerto jasoko ditu urtearen erdirako. Guztira, EBk 500 milioi txerto erosi dizkie Pfizerri eta BioNtechi, eta beste 100 milioi gehiago erosteko aukera du.
Europako Batzordeak asteak daramatza erraten apirila eta ekaina bitartean txerto guztien 300 milioi dosi jasotzea espero duela. Batzordearen hitzetan, epe hori «kritikoa» da uda bukatu aitzinetik helduen %70 txertatuta egoteko.
Europako Botiken Agentziak onartutako lehen txertoa izan zen Pzifer-BioNTech enpresak garaturikoa.