Lehergailuak indargabetzeko protokoloa martxan jarri du Ertzaintzak goizean Galdakaon (Bizkaia), han egiten ari diren lan batzuetan 40 zentimetroko obus bat topatu baitute. Ertzaintzak leherrarazi egin du obusa, baina, lekuan besteren bat ote dagoen ikertu arte, itxita edukiko dute ingurua.
Txomin Egileor kalean aurkitu dute obusa, langile batzuek. Segurtasun Sailak adierazi du litekeena dela 36ko gerrakoa izatea.
Ertzaintzak emaniko informazioaren arabera, obusak 100 milimetroko kalibrea zuen, 464 milimetro luze zen, eta 15,5 kilo pisatzen zuen. Lehergai gisa, 1,5 kilo trilita zuen, eta bazuen eztanda egiteko pizgailua.
Apoyo a @ertzaintzaEJGV retén de prevención x trabajo con obús localizado. Egileor #Galdakao#Bomberos en camino
— Bomberos Bizkaia (@BomberosBizkaia) March 23, 2021
Galdakao, prebentzio talde bat, obus batekin lan egingo duen Ertzaintza taldeari laguntzeko #Suhiltzaileak bidean
