Positibo tasa handia da oraindik Hego Euskal Herrian. Atzo, 11.541 proba eginda, 893 positibo atzeman zituzten Osakidetzak eta Osasunbideak; hortaz, %7,7 da oraintxe. Aurreko egunekin alderatuta, ordea, apur bat apalagoa da ehunekoa. Datozen egunetan ikusiko da beheranzko hori joera bihurtzen den, ala zerra hortz bat besterik ez den, azken egunetako aldapan.
Herrialdeka, Araban 106 COVID-19 kasu detektatu dituzte; Bizkaian, 298; Gipuzkoan, 315; eta Nafarroan, azkenik, 167.
Osakidetzak jakinarazi duenez, gainera, 104 pertsona ospitaleratu zituzten atzo Araban, Bizkaian eta Gipuzkoan. Uneotan, 127 paziente larri daude ospitale ZIUetan.