Albistea entzun

Guardia Zibila berriz sartu da Aroztegiaren aurkako kanpaldian, baina ez dute hustu

Guardia Zibila hirugarren aldiz joan da kanpaldiko ingurura, baina alde egin du berriz ere. Arratsaldean elkarretaratzea egin dute Lekarozen, 228 etxebizitza, hotel bat eta golf zelaia eraikitzeko proiektua gelditzeko. Proiektua geldiarazi arte, kanpaldiarekin jarraitzeko asmoa dute.

Guardia Zibila Aroztegiko proiektuaren aurkako kanpaldia egiten ari diren lekuan, atzo
Guardia Zibila Aroztegiko proiektuaren aurkako kanpaldia egiten ari diren lekuan, atzo iñigo uriz Tamaina handiagoan ikusi

Irati Urdalleta Lete -

2021eko apirilak 17

Guardia Zibila Lekaroz herrian (Baztan, Nafarroa) Aroztegiko proiektuaren aurka egiten ari diren kanpaldian agertu da ostiral arratsaldean eta gaur goizean nahiz arratsaldean, baina ez dute kanpaldia hustu. Herritarrek «harresi bat» egin dute gaur goizean, elkarri helduta, eta guardia zibilek ez dituzte handik atera. 228 etxebizitza, hotel bat eta golf zelaia egin nahi dituzten lurretan ari dira kanpaldia egiten, proiektu hori geldiarazteko eskatuz. Helburua lortu arte kanpaldia egiten jarraitzeko asmoa daukate.

Kanpaldia ez da izango proiektua bertan behera uzteko helburuarekin egitekoak diren mobilizazio bakarra. Gaur bertan, 17:00etan, elkarretaratzea egin dute Lekarozko plazan, eta maiatzaren 15ean, 17:30ean, manifestazioa egingo dute Elizondoko plazatik abiatuta (Baztan, Nafarroa).

«Proiektu txikitzaile hau bai ala bai gelditu behar dugu», aldarrikatu dute elkarretaratzean. Proiektua Udalerriz Gaindiko Eragina duen Plan gisa bideratu izana ere gaitzetsi dute. Hori «trikimailu juridiko bat» dela ziurtatu dute, eta «interes orokorraren izenean», bertako administrazioen eta herritarren erabakien «gainetik pasatzeko eta proiektua inposatzeko», erabili dutela. Gainera, horren bidez, herritarrei lurrak eta erabakitzeko ahalmena «ebatsi» izana kritikatu dute.

Proiektua «gutxi batzuen intereserako eta aunitzen kalterako» dela irizten diote; izan ere, haien irudiko, «hankaz gora» utziko luke hizkuntza, kultura nahiz bizitzeko modua. Gainera, gogorarazi dute galdeketetan herritarrek «ezezko borobila» eman diotela proiektuari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

CO2 neurgailu bat Iruñeko taberna batean, airearen kalitatea ona dela adierazten. ©JESUS DIGES / EFE

Nafarroako Gobernuak baieztatu egin du ostatu barruak irekiko direla

Maria Ortega Zubiate

Astelehenetik aurrera izango da; gehienez edukieraren %30 erabili ahalko dute. CO2 neurgailuak jartzen badituzte, guztiz bete ahal izango dituzte establezimenduak
Jendea, maskara jantzita, Bilboko kaleetan paseatzen. ©MARISOL RAMIREZ / FOKU

Astebetean %37 jaitsi dira positibo berriak Hegoaldean

Edurne Begiristain

Beste 463 kasu atzeman dituzte, eta %4,4 da positibo tasa. Urkulluk dio atzeratu behar izan diren ebakuntzak «aurki» berreskuratuko direla

Bilaketa zaildu du gorpua non zegoen ez jakiteak

A.L.A

Gorpuzkien bilaketaren inguruko txostena aurkeztu du Jaurlaritzak. Adituek diote litekeena dela Beltranen gorpuzkiak disolbatuta egotea
<b>Zalla. </b> Gertatutakoa salatzeko elkarretaratze jendetsua egin zuten atzo Beltranen jaioterrian. ©MONIKA DEL VALLE / FOKU

Beltran bilatzeari utzita, ardurak argitzeko eskaera gailendu da orain

Ainhoa Larretxea Agirre

Jaurlaritzak jakinarazi du eten egin dutela beharginaren bilaketa. Oposizioak, gehiengo sindikalak eta Zaldibar Argituk Jaurlaritzari eskatu diote bere ardura hartzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.