Nafarroako Foruzaingoak laguntza eskatu du Twitterren, azken aldian leku publikoetan hilda agertu diren arkumeekin gertatutakoa ikertzeko. Ultzama inguruan ageru dira arkumeak, lepoa moztuta.
Foruzainek azaldu dute ez dutela salaketarik jaso, eta ezin dutela ikertu animaliei tratu txarra eman ote zaien. "Ba al dakizu zerbait honetaz? Kontaiguzu", dio Foruzaingoak txio batean.
Bi argazki zabaldu ditu eta horietako batean errepide seinal baten gainean ikus daiteke arkumea hilda, Erripatik eta Ostitzetik gertu. Beste argazkian motordun ibilgailuen saltoki baten atean ikus daiteke arkume bat hilda.