Albistea entzun

Nafarroan eskolak goizez soilik emango dituzte hurrengo ikasturtean ere

Egoera hobetuz gero, arratsaldez ere eskolak emateko aukera egon liteke. Haur Hezkuntzako ikasleek ez dute maskararik jantzi beharko jolaslekuan. Jaurlaritzak ziurtatu du lanean ari direla eskolak berriz goizez eta arratsaldez emateko.

Ikasleak Burlatako Asktasuna ikastetxean sartzen,artxiboko irudian
Ikasleak Burlatako Asktasuna ikastetxean sartzen,artxiboko irudian idoia zabaleta / foku Tamaina handiagoan ikusi

Irati Urdalleta Lete -

2021eko maiatzak 20 13:17

Nafarroako Gobernuak aurkeztu du datorren ikasturterako kontingentzia plana. Carlos Gimeno Hezkuntza kontseilariak eman du haren berri, gaur goizean egin duten prentsaurrekoan. Prebentzio, garbitasun eta higiene neurri guztiak mantenduko dituztela ziurtatu du, baina hainbat berrikuntza txertatu dituzte: besteak beste, Haur Hezkuntzako ikasleek ez dute maskararik jantzi beharko jolaslekuan daudenean. Aurten egin bezala, eskolak goizez bakarrik emango dituzte Nafarroako ikastetxeetan, baina, pandemiaren bilakaeraren arabera, baliteke goizez eta arratsaldez emateko aukera ematea. Baliabideei dagokienez, ziurtatu du mantendu egingo dituztela aurtengo ikasturterako pandemiagatik jarritako errefortzurako langileak. Gimenok nabarmendu du protokoloa aldatzeko aukera dagoela.

Irailetik aurrera ikasgeletan aldaketa handirik egongo ez bada ere, Gimenok iragarri du neurri batzuk malgutuko dituztela: besteak beste, haurrek aukera izango dute jostailuak eta bestelako materialak partekatzeko; Haur Hezkuntzako umeek ez dute maskararik erabili beharko jolaslekuan daudenean; ikastetxeei CO2 neurgailuak emango dizkiete, eta hamaiketakoa patioan egitea lehenetsiko dute. Halere, bizikidetza talde iraunkorretan egongo dira oraindik ere.

Ordutegiak eragin du jakin-minik handiena. Gimenok azaldu duenez, eskolak goizez soilik emango dituzte aurrerantzean ere, «osasun agintariei horrela izan behar duela irizten zaien artean». Beraz, zabalik utzi du ikasturtean ordutegiak aldatzeko aukera: «Hilabeteko epea egongo da ikastetxeetako ordutegiak berme batzuekin berriz antola daitezen». Urriko lehen hamabostaldian edo Gabonen ondorengo lehen hamabost egunetan ezar litezke aldaketak.

Bi egoera

Datorren ikasturterako bi egoera aurreikusi ditu Hezkuntza kontseilariak. Lehenengoan, etapa guztietan aurrez aurreko hezkuntza eskainiko dute. Horren barruan, bi egoera egon daitezke: neurriak malgutzea edo ikastetxeak lehen zeukaten ordutegira itzultzea. Bigarrenean, berriz, ikastetxe bat, batzuk edo guztiak itxiko dituzte.

Eusko Jaurlaritzako Hezkuntza sailburu Jokin Bildarratzek adierazi duenez, ez dute asmorik datorren ikasturterako «aldaketa handirik» egiteko. Horietako bat ordutegi aldaketa izan daiteke: Bildarratzek ziurtatu du lanean ari direla eskolak berriz goizez eta arratsaldez emateko. Ikasturte honetan, Derrigorrezko Bigarren Hezkuntzako ia ikastetxe guztiak goizez soilik ari dira; Haur Hezkuntzakoei eta Lehen Hezkuntzakoei, berriz, ez diete aukera hori eman.

Horretaz gain, Bildarratzek atzo esan zuen Araban, Bizkaian eta Gipuzkoan bide propioa egingo dutela ikasturtea antolatzeko, baina Espainiako Gobernuak atzo erkidegoei aurkeztu zien proposamenaren hainbat neurri aintzakotzat hartzekoak izan daitezkeela. Proposamen horren arabera, talde itxietan jarraitu behar dute haur eta nerabeek hezkuntza zentroetan, baina malgutu egingo da pixka bat egoera: Haur Hezkuntzan, esaterako, ikasturte bereko haurren arteko jardunak baimenduko dira aire zabalean. LHko 5. mailatik aurrera, haurren arteko distantzia 1,2 metrora murrizteko aukera izango da, eta ez da beti bete beharko 1,5 metroko tartea. Aurrez aurreko eskolak lehenestea izango da beti helburua.

Maskararen erabilera derrigorrezkotzat joko dute oraindik: 6 urtetik gorako eskola ume guztiek erabili beharko dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Baionako terraza bat, artxiboko irudian ©Bob Edme/ Iparla

Uztailaren 9an diskotekak irekiko dituzte Ipar Euskal Herrian

Berria

Dantzalekuetan sartzeko ezinbestekoa izango da osasun ziurtagiria aurkeztea. Kontzertu aretoetako neurriak, berriz, ekainaren 30ean malgutuko dituzte, edukiera %75era zabalduta.

Gotzone Sagardui Eusko Jaurlaritzako Osasun sailburua artxiboko irudi batean. ©Jaizki Fontaneda/FOKU

Hegoaldetik joandako biztanleak txertatzeko irizpideak zorroztuko dituzte Lapurdin

Maria Ortega Zubiate

Maider Arostegi Miarritzeko alkateak adierazi du Hegoaldetik joandako biztanleen gorakadak neurriak zorroztea ekarriko duela. Gotzone Sagardui Jaurlaritzako Osasun sailburuak adierazi du ez dutela prozesu horren berri.

Hainbat herritar Gasteizko kale batean. ©Jaizki Fontaneda

Beste 119 COVID-19 kasu atzeman dira Hegoaldean

Uxue Rey Gorraiz

2020ko uztail erdialdetik erregistratutako kutsatu kopururik apalena da. 5.000 proba inguru egin dira; beraz, %3 da positiboen ehunekoa.

Jon Aizpurua euskal filologoak UEUko ikastaro batean aurkeztu du eginiko azterketa, Donostiako Miramar Jauregian. ©Gorka Rubio / FOKU

Lehen hizkuntzaren hautua eta harreman sarea, euskararen transmisiorako gakoak

IƱaki Agirre Perez

Euskararen familia bidezko transmisioari buruzko ikastaroa egin dute gaur Udako Euskal Unibertsitatean. Transmisio horren inguruko azterketa kuantitatibo eta kualitatibo bat aurkeztu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna