Albistea entzun

Artea

EH Bildu eta Elkarrekin Donostia udal taldeek 'Hondalea' obraren kudeaketa kritikatu dute

Cristina Iglesiasen artelanak «txikizioak» eta gehiegizko kostua eragin dituela salatu dute. Udalari eskatu diote uhartea babesteko neurriak hartzeko, eta ingurua Natura 2000 sarean sartzeko beharrezko urratsak egiteko.

Haizea Garai eta Markel Ormazabal bozeramaileak, prentsaurrekoan, Donostian
Haizea Garai eta Markel Ormazabal bozeramaileak, prentsaurrekoan, Donostian BERRIA Tamaina handiagoan ikusi

Aitor Biain -

2021eko ekainak 1

Aurrez hainbat eragilek egin moduan, EH Bildu eta Elkarrekin Donostia udal taldeek ere kezka eta desadostasuna adierazi dute Cristina Iglesiasen obraren harira, Santa Klara uhartea kudeatzeko Donostiako Udalak eta proiektuaren sustatzaileek hartutako neurriekin. Irla babes bereziko eremua dela gogorarazi dute, eta, aste honetan bertan bisitariak hartzen hasiko dela eta, babes neurriak hartzeko eskatu dute. 

Talde politikoek bisitetarako epe ertain-luzeko irizpideak argitzeko eskatu diote udalari, eta erabilera espezifikoen plan bat egiteko. Baina, batez ere, galdegin diote beharrezko urratsak egiteko, «uhartearen balio paisajistikoa, ekologikoa eta geologikoa kontuan hartuta», Santa Klara-Igeldo eremua Natura 2000 sarean integratzeko.  

Bi alderdiek adierazi dutenez, egitasmoaren berri izan zutenetik eskatu zioten alkateari uhartea babesteko beharrezko neurriak hartzeko. Zehazki, hiru txosten argitaratzeko eskatu zioten: ingurumen inpaktuarena, itsasargiaren barruko industria ondarearen azterketarena eta proiektuaren plan ekonomikoarena. Eta guztia argitu artean obrak geldiarazteko ere bai. «Baina Donostiako Udal Gobernuak, prentsan han eta hemen adierazi duenaz gain, ez du berariazko planik aurkeztu», gaitzetsi dute. Oposizioari informaziorik helarazi ez izana ere egotzi diote EAJk eta PSE-EEk osatutako udal gobernuari. 

Obraren kalteak
Gaur arteko kudeaketaz, hiru kritika egin dituzte EH Bildu eta Elkarrekin Donostia alderdiek. Batetik, lanek «txikizioak» eragin dituztela salatu dute. «Alkateak behin eta berriz esaten zuen esku hartzeak eraikinaren barrualdeari bakarrik eragingo ziola, baina ez da horrela izan». Eta hondakinen kudeaketa «arduragabea» izan dela adierazi dute, «hondakinak errez eta hondakinen ordenantzaren arau hauste larria eginez». 

Bestetik, gogorarazi dute proiektuak ez dituela betetzen Eraikitako Hiri Ondarea Babesteko Plan Bereziaren baldintzak. Izan ere, arau horren arabera, eraikinaren horma nagusiak bere horretan mantendu behar dira, baina EH Bilduk eta Elkarrekin Donostia udal taldeek salatu dute «lehen ez zegoen ate bat» ireki dutela. Bada, arau hauste horren aurrean, udalari egotzi diote «beste aldera begiratu» izana.

Azkenik, egitasmoaren gehiegizko gastua ere kritikatu dute. Izan ere, lanak bost milioi euroko aurrekontua izan badu ere, salatu dute «etengabe diru sail berriak onartu dituztela. Eta gaineratu dute udaleko idazkari eta kontu hartzaileek «legez kontrako ohartarazpen ugari» egin dituztela diru sail horiei lotuta. Horiek horrela, EH Bilduren eta Elkarrekin Donostiaren hitzetan, ez da «onargarria» hasieran 1,5 milioi euroko aurrekontua zuen proiektu batek azkenean bost milioi euroko kostua izatea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Noaingo Faktoria zentro koreografikoko ikasleak. Beltzez, Laura Armendariz irakaslea. ©Iñigo Uriz / FOKU

Dantzaren nazioarteko mapan

Edurne Elizondo - Nafarroako Hitza

Noaingo Faktorian lanean ari da, irailetik, zentro koreografiko horretako ikasleen bosgarren belaunaldia. Marta Coronadok, Laida Aldazek eta Carmen Larrazek jarri zuten proiektua martxan, 2019an, herrialdeko dantza garaikideari astindu bat emateko. Pedagogia eta sorkuntza dituzte ikur.

 ©JAIZKI FONTANEDA / FOKU

«Sorkuntza jada ez da nire munduaren zilborra»

Aitor Biain

Ez du diskorik egin plazan egoteko; plazan dago jada. Baina '#itsasoadabidebakarra' bere bakarkako lehen diskoa kaleratu du, pertsonala bezain kolektiboa den lana. Azken urteetako bizipenetatik abiatuta ondu du, eremu abisaletik ur azalera ateratzeko bidea oinarri hartuta, eta Kubatik joan-etorria egin duten kantuekin.
Gaur egungo musikariez inguratu da John Cale <em>Mercy</em> disko berria ontzeko. ©MADELINE MCMANUS

Erortzen ari den munduaz

Mikel Lizarralde

81 urte betetzear dela, John Calek segitzen du pauso bat aurretik, 'Mercy' bere azken diskoak erakusten duenez. Klasizismoaren eta abangoardiaren artean beti.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...