Albistea entzun

Mila lagunetik gorako ekitaldietan beharrezkoa izanen da osasun ziurtagiria Iparraldean

Frantziako Gobernuak segurtatu du "eguneroko jardueretarako" ez dela beharrezkoa izanen; festibal, kirol zelai eta antzekoetara sartzeko, bai.

Parisko kontzertu gela batera sartzeko PCR proba eskatu zitzaion publikoari, iragan maiatzaren 29an.
Parisko kontzertu gela batera sartzeko PCR proba eskatu zitzaion publikoari, iragan maiatzaren 29an. Ian Langsdon Tamaina handiagoan ikusi

Oihana Teyseyre Koskarat -

2021eko ekainak 9 09:59

Ipar Euskal Herrian, 11 urtetik gorakoentzat, mila pertsona baino gehiago biltzen diren lekuetan derrigorrezkoa izanen da osasun ziurtagiria, hala nola festibaletara, kirol zelaietara edota kultur gela handietara sartzeko. Bi forma izanen ditu: paperezkoa edo zenbakizkoa, Tous Anti Covid aplikazioaren bidezko QR kode batekin.

Ziurtagiri hori lortzeko hiru bide izanen dituzte herritarrek: txertoa egina izatea, immunitatea garatua izatea, edo PCR proba negatiboa lortzea. Txertoa jarri dutenek txertaketa pauta osoki egina dutela frogatu beharko dute. Hala, bi dosiz osaturiko txertoen kasuan, azken dosia jarri eta bi astetara lortzen ahal da txertaketa agiria, eta dosi bakarraren bidezko txertoekin, lau astetara. Gaitza jada pasatu duten herritarrek dosi bakarra jartzen dutenez, dosi hori hartu eta bi astetara lor dezakete txertaketa agiria. Ameli Gizarte Segurantzaren webgunean jaso daiteke zenbakizko ziurtagiria. Paperezko bertsioa txertaketa guneetan eskuratzen ahal dute herritarrek.

Bestetik, gaitza jada pasatu duten herritarrek medikuaren agiri bat beharko dute, 15 egun baino gutxiagokoa, eta gaitza pasatu duteneko PCR proba positiboa izan beharko dute, sei hilabetekoa, gehienez. Azkenik, PCR proba negatiboa egitea izango da ziurtagiria lortzeko azken bidea: 72 ordu baino gutxiagokoa izan beharko du. Datu horiek guziak —txertaketa eskema, immunitatea, PCR proba— Tous Anti Covid aplikazioan biltzen ahalko dituzte herritarrek, QR kodeak eskaneatuta.

Bestalde, Hego Euskal Herritik Ipar Euskal Herrira sartzeko jada ez da derrigorrezkoa PCR proba negatiboa aurkeztea txertaketa eskema osorik hartu duten herritarrentzat, txertaketa agiriak balio baitu.

Ziurtagiri sanitarioaz gain, uztailaren 1etik aitzina COVID ziurtagiri digitala ezarriko dute EBko herrialdeek, herrialde batetik bestera bidaiatzeko. Ipar Euskal Herrian, ziurtagiri sanitarioaren parekoa izanen da, baina, data horretatik aitzina, EBko herrialdeetara bidaiatzeko ere baliatzen ahalko dute herritarrek. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

COVID-19aren kontrako txertaketa gunea, Donostiako Illunbe zezen plazan. ©JON URBE / FOKU

Hego Euskal Herriko biztanleen erdiek jada hartua dute txertoren bat

Uxue Rey Gorraiz

Biztanleen %33k osatua dute pauta. Transmisioak barealdian segitzen du: beste 236 positibo

Hizkuntza gutxituen esparruko ehundik gora eragilek sinatu zuten Hizkuntza Eskubideak Bermatzeko Protokoloa, 2016an, Kursaalen. ©ARITZ LOIOLA / FOKU

Sare berriak, eragiteko

Ion Orzaiz

Kontseiluak hizkuntza politikak eraldatzeko bide orria aurkeztuko du bihar. Ehun bat eragilek eta entitatek bat egin dute agirian jasotako helburuekin

Kalean maskararik gabe ibil zitezkeen atzo Ipar Euskal Herrian. ©BOB EDME

Arintze neurriak zabaltzen hasi dira Euskal Herrian, iragarpen berrien atarian

Juanma Gallego

Iparraldean maskara jada ez da nahitaezkoa aire zabalean. Nafarroan martxan dira neurri berriak. Jaurlaritzak gaur iragarri behar ditu bereak

Navas de Tolosa kaleko garabi honetara igo da pertsona bat gauean. ©Iruñeko Udaltzaingoa

Garabi batera igota dagoen pertsona bat jaitsarazten saiatzen ari dira Iruñean

Berria

Udaltzaingoaren arabera, bere buruaz beste egiteko asmoa du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.