Albistea entzun

indarkeria matxista

Murchanten emakume bat hil duen gizonezkoaren bila jarraitzen dute

Labankadaz hil du andrea, ibilgailu barruan zela. Koinatuak izanak ziren; gizonaren bikotekide ohiaren ahizpa da biktima. Foruzaingoa erasotzailearen bila ari da. Protesta bilkurak egin dituzte.

Hilketa matxistarengatik protesta bilkura egin dute Murchanten.
Hilketa matxistarengatik protesta bilkura egin dute Murchanten. Idoia Zabaleta / Foku Tamaina handiagoan ikusi

Uxue Rey Gorraiz - Mikel P. Ansa -

2021eko uztailak 7

Beste hilketa matxista bat gertatu da asteazken goiz honetan, 10:24 zirenean. Murchanten (Nafarroa) izan da. Foruzainek ez dute informazio asko zabaldu, baina Diario de Navarra-ren arabera gizonak autoarekin jo du emakumearen autoa, eta bidetik aterarazi du biktimaren ibilgailua. Gizona labana batekin joan zaio, eta autoan bertan hil du. Emakumea bere seme-alabekin zihoan autoan —9 eta 5 urte dituzte—, eta haien aurrean hil du gizonak. 43 urte zituen emakumeak, eta Maria Pilar Berrio Jimenez zuen izena. Gasteizkoa zen sortzez, baina lau urte zeramatzan bizitzen Murchanten.

Gizonezkoak ihes egin du, eta haren bila ari dira poliziak. Ikerketa zabaldu dute, eta NA-6840 errepidearen inguruak miatzen ari da; han gertatu da hilketa, 4,6 kilometro puntuan, futbol zelaitik gertu. Noticias taldearen arabera, aurrekariak lituzke hiltzaileak, eta Zumarragakoa litzateke. Ertzaintzarekin elkarlanean, herri horretan ere operatibo bat egin dutela zabaldu dute. Autoz egin du ihes gizonak, eta Foruzaingoak kontrol batzuk ere jarri ditu.

Jakin ahal izan denez, bilatzen ari diren gizon horrek eta hildako emakumeak gertuko harremana zuten. Gizonaren bikotekidearen ahizpa zen hildakoa. Hala ere, Foruzaingoak ez da kasua hilketa matxista gisa ikertzen ari, familia barruko hilketa edo delitu baten gisa baizik. Espainiako Genero Indarkeriaren aurkako Legeak zehazten du emakumezkoen aurkako indarkeria genero indarkeriatzat hartuko dela, soilik erasoa bikotekidearen edo bikotekide ohiaren aurkakoa denean.

Aurrekariak

Hainbat hedabidek zabaldu dutenez, ustezko hiltzailea 1998. urtean atxilotu zuten Ikaztegietako (Gipuzkoa) gasolindegian lan egiten zuen emakume baten hilketaren harira. Aurreko urtean hil zuten langilea, tiroz, eta gaurko hilketaren susmagarria beste bi pertsonarekin batera epaitu zuten. Herri epai-mahai batek errugabetu zuen 2000. urtean, froga faltarengatik. Gizonezkoak 41 urte ditu, eta Zumarragan bizi da (Gipuzkoa).

Ertzaintzaren talde handi bat joan da gaur arratsaldean haren etxera. Zabaldu dutenez, hainbatetan salatu dute debekaturiko armak edukitzeagatik.

Elkarretaratzea

Murchanteko Udalak ezohiko batzarra egin du gaur, 19:00etan, eta hilketa gaitzesteko elkarretaratze bat egin dute herrian, udaletxearen aurrean. Luis Sancho alkateak berak zabaldu du bandoa, elkarretaratzea isila izango zela jakinaraziz.

Udalak hilketa gaitzetsi du eta hiru eguneko dolua ezarri du. Herrian bizi zen emakumea, eta Udalak «sostengu eta elkartasuna» agertu dio haren senideei. Horrez gain, hitz eman du lan egingo duela berdintasunaren alde, «emakumeek bakean eta indarkeriarik gabe bizitzeko duten eskubidea gauza dadin».

Besteak beste, Javier Remirez Nafarroako Gobernuko presidenteordea egon da elkarretaratzean. «Emakumeen aurkako indarkeriaren bortizkeria klase guztien» aurkako jarrera argi utzi nahi dute horrela. Hilketa gaitzetsi du gobernuak, eta «emakumeen bizitzaren, askatasunaren, duintasunaren eta herritartasun osoaren kontra» egiten duten indarkeriak borrokatzen jarraitzeko konpromisoa adierazi dute.

Tuteran, Koordinadora Feministak elkarretaratze batera deitua zuen, «indarkeria matxistaren aurka», 20:00etan Foru plazan. Cascanten, bihar egingo dute elkarretaratzea, hori ere 20:00etan, Foru plazan. Tuterako Udalak ere protesta batera dei egin du, bihar eguerdian. Alderdi politikoek ere salatu dute hilketa, PSNk, EH Bilduk, Ahal Dugu-k, Geroa Baik eta EAk oharrak plazaratu dituzte, hilketa gaitzesteko eta hildakoaren senideei elkartasuna adierazteko. Idoia Mendia Eusko Jaurlaritzako lehendakariordeak ere gaitzespen mezua kaleratu du. Gorka Urtaran Gasteizko alkateak doluminak eman dizkie hildakoaren senideei.

Urtea hasi zenetik Euskal Herrian gertatutako laugarren hilketa matxista da. 2003az geroztik 111 emakume hil dituzte Euskal Herrian.

Biktima izan diren emakumeentzako arreta zerbitzua

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ibaetako Campusean duela hilabete batzuk egindako manifestazioa. ©GORKA RUBIO/FOKU

EHUk espediente informatibo bat zabaldu dio eraso sexista batengatik salatu duten irakasleari

Berria

Arkitektura Fakultateko irakasle batek ikasleei eraso sexista bat egin ziela salatu dute UIB Unibertsitateko Indar Batasunak eta Arrakala emakume taldeak. Gertakariari buruzko «informaziorik» ez ematea leporatu diote EHUri.

Ziudadelaren barnaldea, asteazkenean. ©BERRIA

Hipika txapelketa bukatu eta hilabete eta erdira, Iruñeko Ziudadela hondarrak hondatua dago oraindik

Uxue Rey Gorraiz

Iruñeko Udalak antolaturiko hipika txapelketak irailaren 12an izan zuen azken eguna. Ordea, txapelketarako erabilitako Ziudadelako zuloguneak hareaz beteak dira oraindik. Navarra Sumak salbu, udaleko talde politikoek adierazpen bat onartu dute eremua berehala egokitu dadila eskatzeko.

Arabako, Bizkaiko eta Gipuzkoako erakundeetako arduradunak izan dira BECen, gaurko aurkezpenean ©Irekia

Zaintza ereduaren «paradigma aldaketa» jaso du Jaurlaritzaren estrategia soziosanitario berriak

Edurne Begiristain

2021-2024 aldirako estrategia soziosanitarioa aurkeztu dute Arabako, Bizkaiko eta Gipuzkoako instituzio nagusiek. Besteak beste, «adinekoak beren etxean edo etxe baten antzekoak diren zentroetan» bizitzea sustatuko dute.

Aste honetan Haurrak Bai-k deituta Ataungo Joxemiel Barandiaran herri ikastetxean egin duten eserialdia. / ©Goierriko Hitza

Jolasgaraian 12 urtetik beherakoak maskara janztera derrigortzen dituen aginduari eutsiko dio Jaurlaritzak

Jon Ordoñez Garmendia

Gotzone Sagarduik argudiatu du haurrak babesteko neurri bat dela, eta esan du gaur egungo egoera ez dela ona.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.