Albistea entzun

«Higienearen teatroa» Bilboko metroan

Sare sozialetan zeresana eman du Bilboko metroa desinfektatzeko moduak. Argitaratu duten bideo batean, langile bat ageri da behin eta berriz gainazal bera garbitzen. Jakina da neurri hori ez dela eraginkorra.

Eskailera mekanikoak garbitzen dituen langilea, bideoaren une batean.
Eskailera mekanikoak garbitzen dituen langilea, bideoaren une batean. BERRIA Tamaina handiagoan ikusi

Paulo Ostolaza -

2021eko uztailak 20 10:35

«Gainazalak, objektuak, eskuak beharrik gabe desinfektatzeari higienearen teatroa deitzen zaio. Izan ere, koronabirusa airetik transmititzen da». Hala azaldu du Ana Galarraga zientzia komunikatzaileak Bilboko Metroak eskailera mekanikoak desinfektatzeko darabilen modua alferrikakoa dela.

Izan ere, sare sozialetan birala egin da metroak argitaratutako bideo bat. Han, langile bat ageri da, eskaileretan gora doan bitartean desinfektatzailearekin haiek zipriztintzen. Noski, gorantz doan bitartean hori eginez, behin eta berriz eskaileren zati bera ari da garbitzen. Twitterreko hainbat erabiltzailek aipatu duten moduan, nahikoa zuen eskaileren goiko edo beheko zatian jarri eta handik desinfektatzea.

Hala azaldu du euskarazko Wikipediak, txioa aipatuta: «Eskailera mekanikoak garraio bertikalerako forma bat dira, pertsona solairuen edo altuera desberdinen artean mugitzeko. Pertsona finko mantentzen da, eta eskailera eta eskutokia dira mugitzen direnak».

Ez hori bakarrik. Galarragak azaldu duen moduan, jada jakina da koronabirusa airetik transmititzen dela, eta, beraz, garbiketa modu horrek ez duela oinarri epidemiologikorik. Ia ezinezkoa da koronabirusa gainazalen bidez kutsatzea. Elhuyarrek otsailaren hasieran argitaratu zuen artikulu batek dioenez, «duela urtebete, badaezpada ere, garbiketa- eta desinfekzio-protokolo zorrotzak ezarri ziren. Alabaina, birusaren transmisioa eteteko askoz ere eraginkorragoa litzateke ahaleginak eta baliabideak aireztapena hobetzera bideratzea».

Hori kritikatu dute erabiltzaile batzuek. «Ez dute ulertu nahi metroa gainezka doala irudi hauek lotsagarriak direla», gaitzetsi du haietako batek. Diru publikoa alferrikako itxurakerietan xahutzea ere egotzi diete Bilboko Metroaren arduradunei. Txioa ezabatzeko gonbita ere egin diote hainbatek metroko komunikazioaren arduradunei: albiste hau idazteko garaian, jada 300.000 ikustaldi inguru ditu bideoak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Mila positiboen langatik gora gaur berriz Hegoaldean: 1.077 izan dira

Arantxa Iraola

Osasunbideak eta Osakidetzak atzo egindako testetatik %11,8 izan ziren positiboak

Zaldibar Argituren protesta martxoan ©Monika del Valle / Foku

Herri akusazio gisa «baztertu» dituztela salatu dute Zaldibar Argitu-k eta Gizarte Eskubideen Gutunak

Berria

Bi elkarteek argudiatu dute herritar moduan herri akusazio gisa aurkezteko eskubidea dutela, auzian «argitu gabeko kontu ugari daudelako». Horregatik uste dute ez dagoela «benetan zer gertatu zen argitzeko» interesik.

DHEren protesta bat, eutanasia legeztatzearen alde, Bilbon. ©Marisol Ramirez/FOKU

Hegoaldean egindako lehen eutanasia kasuaren berri eman dute

Maria Ortega Zubiate

DHE elkarteak jakinarazi du. Osakidetza beste bi kasu aztertzen ari dela adierazi dute.

Motorzale bat, artxiboko irudi batean. ©EFE

Motorzale bat hil da istripu batean, Zuian

Berria

Errepidetik irten da motorra, eta bidea itxi behar izan dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.