Albistea entzun

Arrantza

Bizkaiko golkoko antxoaren stocka: 170.000 tonako behin-behineko biomasa

Aztik egindako kalkuluaren arabera, "espeziearen iraunkortasuna bermatuta dago". Euskal ontziek 8.600 tona harrapatu dituzte aurten. Lonjako batez besteko prezioa 1,41 euro izan da, iaz baino hiru zentimo gehiago.

Antxoa deskargatzen Getarian, aurtengo martxoan.
Antxoa deskargatzen Getarian, aurtengo martxoan. GORKA RUBIO / FOKU Tamaina handiagoan ikusi

Xabier Martin -

2021eko uztailak 21 14:08

Bizkaiko golkoan kalkulatutako antxoaren behin-behineko biomasa 170.000 tona ingurukoa da aurten, Eusko Jaurlaritzak AZTI zentro teknologikoaren bidez bultzatutako Bioman kanpaina zientifikoaren datuen arabera. 2021eko azterlanean kalkulatutako antxoaren stocka, gainera, 21.000 tonatik oso gora dago, "espeziearen iraunkortasuna bermatzen duen gutxieneko baliotik" gora.

Bioman kanpainaren datuak, antxoa helduen egoera ebaluatzen dituztenak, gaur aurkeztu dituzte Eusko Jaurlaritzako Nekazaritza, Arrantza eta Elikadura Politikako sailburuorde Bittor Orozek, Arrantzarako zuzendari Leandro Azkuek eta AZTIko zuzendari nagusi Rogelio Pozok. Biomasari buruzko datu positiboez gain, ikerketaren arabera, aleen %70,1 adinekoak dira. "Horrek esan nahi du datorren urteko kosterak ere emaitza positiboak izango dituela".

Oroz sailburuordeak esan du datuek "argi eta garbi" erakusten dutela "antxoaren egoera ona". "Antxoa dugu arrantzarako funtsezko baliabidea Euskadin. Bioman kanpaina funtsezko tresna da gure itsasoen eta haiek ematen dizkiguten baliabideen egoera ezagutzeko, eta ingurumena zaintzeko, euskal arrantza sektorearen iraunkortasunerako". Aurtengo antxoaren kosterari buruzko datuei dagokienez, sailburuordeak adierazi du euskal ontziek 8.600 tona harrapatu dituztela. Lonjako batez besteko prezioa 1,41 euro izan da, eta iaz, berriz, 1,38koa izan zen.

Datorren urterako kanpaina ona iragarri dute

Rogelio Pozok azpimarratu duenez, "emaitzek azken urteetako joera positiboa erakusten dute". Halaber, urteko bateko ale asko daudela nabarmendu du. "Hala, datorren urterako kostera ona izango dela iragar daiteke; baikortasunerako gonbita egiten duen beste datu bat da". Antxoaren biomasaren behin betiko balioespena lortzeko, kanpaina hauetan lortutako emaitzak batera aztertuko dira: Bioman 2021 kanpaina (helduak-MPDH), Pelgas 2021 kanpaina (helduak-akustikoa), Juvena 2021 kanpaina (gazte-akustikoa) eta ontzien harrapaketak. 2021eko azaroan egingo da behin betiko azterketa, CIEM WGHANSAko antxoaren, sardinaren eta txitxarroaren lantaldean.

Bioman kanpaina zientifikoa Eusko Jaurlaritzako Nekazaritzako, Arrantzako eta Elikagai Politikako Sailburuordetzak eta Europako Batzordeak finantzatzen dute. Nekazaritza, Arrantza eta Elikadura Ministerioko Arrantza Idazkaritza Nagusiaren laguntza ere badu, Emma Bardan eta Vizconde de Eza ontzi ozeanografikoak kanpainaren esku jarriz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Maria Jesus Montero Espainiako Ogasun ministroa eta Pedro Azpiazu Jaurlaritzako Ekonomia eta Ogasun sailburua, gaur, Madrilen. ©Irekia

Zerga berrien bidez 220 milioi euro biltzea espero du Jaurlaritzak

Iker Aranburu

Eusko Jaurlaritzak BPGaren %0,9ko defizit muga izango du, eta aldundiek, berriz, %0,2koa.

Ostalaritzan berreskuratu dira lanpostuetako asko. ©Gorka Rubio / Foku

Ia 19.000 enplegu berreskuratu dira udaberrian

Iker Aranburu

Hego Euskal Herrian, langabezia tasa puntu bat jaitsi da, %10,1eraino.

Tubacexeko langileen protesta bat. ©MONIKA DEL VALLE / FOKU

Tubacexeko greba bertan behera uzteko eskatu dute zuzendaritzak eta CCOOk

Jokin Sagarzazu

Sindikatuak erreferendum bat galdegin du. Zuzendaritzak Jaurlaritzari jakinarazi dio langile batzordeak ez diola erantzun bere eskaintzari

Ostalaritzako enpresek laguntzak eska ditzakete. ©Gorka Rubio / Foku

Jaurlaritzak bi hilabetez luzatu du zuzeneko laguntzak eskatzeko epea

Iker Aranburu

COVID-19ak zuzenean kalte egindako 35.000 enpresak eta autonomok zuten eskubidea laguntza hori eskatzeko, baina 3.946 eskaera baizik ez ditu jaso Jaurlaritzak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna