Albistea entzun

Ekuador

Hemezortzi preso hil dira Ekuadorren, bi espetxetan izandako motinetan

Guayaquilgo eta Latacungako espetxeetan matxinatu dira presoak.

Ekuadorko armadak soldaduak Lacatungako espetxearen kanpoan, gaur goizaldean.
Ekuadorko armadak soldaduak Lacatungako espetxearen kanpoan, gaur goizaldean. Jose Jacome / EFE Tamaina handiagoan ikusi

Berria -

2021eko uztailak 22 12:57

Matxinadak izan dira Ekuadorko bi kartzelatan, eta gutxienez hemezortzi lagun hil dira, espetxeen kudeaketaz arduratzen den SNAI Arau-hausleen Arreta Integralerako Zerbitzu Nazionalak jakinarazi duenez. Guayaquilgo espetxean eta Latacungakoan izan dira motinak. Lehenengoan izandako istiluetan zortzi preso hil dira, eta lau polizia zauritu dira, SNAIren arabera. Beste hamar hildako izan dira Lacatungan, erakundeak zabaldu duenez. Horrez gain, sei agente zauritu eta espetxean kalteak izan direla azaldu du.

Poliziaren errefortzuak bidali dituzte bi espetxeetara, eta egoera baretu da horren ostean, SNAIren arabera: «Segurtasun indarrek eta espetxe zaintzako agenteek, Poliziaren eliteko indarrekin batera, espetxeen kontrola hartu dute».

Zenbait hedabidek zabaldu dute leherketak eta tiroak izan direla Latacungako istiluetan leherketak, eta suzko armak erabili dituztela. Polizia agente batek azaldu du zenbait agente atxiki dituztela presoek. Segurtasun maila ertaineko eta altuko pabiloietako presoak matxinatu dira espetxe horretan, Poliziaren bertsioaren arabera. 70 preso inguru espetxearen atean pilatu direla esan du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Gizon bat gasolina zerbitzugune batean, autoa betetzen, Peshawarren (Pakistan), artxiboko irudi batean. ©Bilawal Arbab / EFE

Gizonek emakumeek baino %16 gehiago kutsatzen dute

Maddi Iztueta Olano

Kontsumo ohituren eta berotegi gasen isurien lotura aztertu du Annika Carlsson Kanyama ikerlariak. Gizonek emakumeek baino gehiago kutsatzen dutela dio ikerketak.

Tong Ying-kit, iazko uztailean, auto barruan, Segurtasun Legearekin auzipetu zuten epaileengana bidean. ©JEROME FAVRE, EFE

Erruduntzat jo dute Hong Kongeko Segurtasun Legearekin auzipetutako lehenengo herritarra

Gorka Berasategi Otamendi

Kondenatuari «terrorismoa» egotzi diote, eta «sezesioa bultzatzea», motor batekin istiluen kontrako hiru poliziaren artetik igarotzeagatik protesta ikur batekin.

Hitxem Metxixi lehen ministroaren kontrako manifestariak, haren kargugabetzea ospatzen, Tunis hiriburuan. ©STR, EFE

Tunisiako lehen ministroak botere eskualdatze «baketsua» iragarri du

Gorka Berasategi Otamendi

Presidenteak bera kargugabetu izana onartu du Metxitxik. Ennahdha alderdia hauteskundeak aurreratzearen alde agertu da, «autoritarismoa» eragozteko. Protestak eteteko eskatu die gobernuaren aldekoei.

Mikati, Aunekin bildu ostean, atzo. ©WAEL HAMZEH / EFE

Najib Mikati enpresaria izendatu dute Libanoko lehen ministro

Iosu Alberdi

Parlamentuko 118 kideetako 72ren babesa du. Gerra zibiletik jasaniko krisi ekonomiko larrienari aurre egitea izango da haren ardura nagusia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.