1.698 positibo jakinarazi dituzte Hegoaldean

Positibo tasak zertxobait egin du behera: proben %11,6 izan dira positibo. 83 lagun daude larri ZIUetan.

Erizain bat PCR probak egiten Aguraingo baheketan. RAUL BOGAJO/FOKU
Maria Ortega Zubiate
2021eko uztailaren 30a
12:56
Entzun

Osakidetzak eta Osasunbideak atzo atzemandako datuen berri eman dute: 1.698 lagunek eman zuten positibo, proba diagnostikoan. Atzo jakinarazitakoak baino ia 300 gutxiago izan dira. Kopuruak ez ezik, positibo tasak ere egin du zertxobait behera: egindako proba guztien %11,6 izan dira positibo. Aurreko egunetan %12tik gorakoa izan da tasa hori.

Kutsatuen jaitsiera orokorra izan da; herrialde guztiek jakinarazi dituzte aurreko egunean baino kasu gutxiago. Positibo gehien Bizkaian izan dira, 776; amaiera eman dio bi egunean jarraian izandako 900 kasutik gorako joerari. Gipuzkoak 388 atzeman ditu; Nafarroak, 383; eta Arabak, 131.

Baina bada adierazle bat gora egin duena: ZIUetako gaixo kopurua. Osakidetzako eta Osasunbideko azken datuen arabera, 83 gaixo daude larri: ekainaren 10etik ez da izan horrelako kopuru handirik. Ospitaleetan, guztira, 433 lagun daude.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.