Albistea entzun

Klima larrialdia

Muturreko bero boladak suteak piztu ditu Europa hego-ekialdean

Suteak Atenas iparraldeko auzoetan eta zenbait uhartetan piztu dira. Ehunka lagunek alde egin behar izan dute beren etxeetatik. Turkian hildakoak eragin dituzte suteek.

Maddi Iztueta Olano -

2021eko abuztuak 4 12:35

Europa hegoaldea sutan dago: Bulgarian, Turkian eta Grezian 45 graduren langa gainditu dute termometroek. Azken hamarkadako bero olderik larrienean, ehunka lagunek beren etxeak utzi, eta beste nonbaitera jo behar izan dute babes bila. Muturreko bero boladak dozenaka sute eragin ditu herrialde horietan, eta hildakoak eta zaurituak ugari dira dagoeneko.

Turkia izan zen bero oldearen kalteak pairatzen lehena. Joan den asteazkenean piztu zen lehen sutea, eta, geroztik, milaka hektarea baso eta zenbait herri erre dira. Sute gehienak hegoaldeko eremu turistikoetan eta mendebaldean piztu dira; beraz, turista askok ere itzulerako bidea hartu behar izan dute. Gutxienez zortzi hildako eta 400 zauritu baino gehiago utzi dituzte suteek, eta suhiltzaileak horiek itzaltzeko lanetan ari dira oraindik ere.

Bero boladak Turkian lehen suak piztu eta gutxira, Grezian ere kolore gorria nagusitu da. Azken egunotan 1987tik izan diren tenperaturarik altuenak neurtu dituzte; 45,5 gradu, batez beste. Atzo piztu ziren lehen suteak, Atenas iparraldeko Varibombi eta Adames auzoetan. Dozenaka etxe erre dira dagoeneko, eta ke eta sugar artean, ehunka pertsonek beren etxeetatik alde egin behar izan dute. Atenas inguruko auzoez gain, udako garai honetan turistez lepo egon ohi diren uharteetan ere zabaldu da sua: Eubean, Peloponeso penintsulan, eta Kos eta Rodas uharteetan.

Atenas iparraldeko hainbat auzo urik gabe gelditu dira, suteak hornidurarako ezinbestekoak diren ponpak kaltetu dituelako. Herritar askok itsasora jo dute babes bila, ketik eta sugarretatik ihesean; beste askok etxean gelditzea erabaki dute, leihoak ondo itxita. Ia guztiek, ordea, suari aurre egiteko baliabide falta eta hedabideek auziari eskainitako arreta urria salatu dituzte.

Nikos Jardalias Babes Zibileko ministrordeak esan zuen bart suteak itzaltzeko lanean jarraituko dutela etenik gabe, eta haien lehentasuna bizitzak salbatzea dela. 500 suhiltzailetik gora ari dira lanean, baina egoera «konplikatua» dela ohartarazi dute, piztutako fokoak oso sakabanatuta daudelako.

Bestalde, agintariek hoteleko logelak eskaini dizkiete beren etxeetatik alde egin behar izan duten bizilagunei, eta Babes Zibilak Atenasko kaleetara ez irteteko eskatu die herritarrei. Istripuak eta kalteak saihesteko, agintariek garrantzi turistiko handiko tokiak itxi edo horiek bisitatzeko orduak murriztu dituzte, besteak beste, Akropolisa.

Metereologoen arabera, baina, suteek ez lukete inor sorpresaz hartu beharko. Adituek aurreko astean ohartarazi zuten tamaina horietako suteen arriskuaz, 40 gradutik gora neurtu zirenean. Gainera, baliteke amesgaiztoak luze irautea, izan ere, agintariek ohartarazi dute behin bero oldea amaitutakoan ere, arriskua handia izango dela; herrialdeak jasaten duen lehortearen eta haize indartsuen ondorioz.

Greziako eta Turkiako herritarrek bizi duten egoera larria gutxi balitz, hegoaldeko beste hainbat herrialde ere arriskuan daude, besteak beste, Bulgaria. Herrialdeko mapa kolore gorriz margotu zuten igandean, 40 graduen langa gainditu eta lehen sutea piztu zenean; Haskovo basotik gertu. Sutea kontrolatzea lortu zuten arren, lehortearen ondorioz, berriz zabaldu daitekeela ohartarazi zuten larrialdi zerbitzuek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Israelgo indarrak, artxiboko irudi batean. ©ABIR SULTAN / EFE

Pertsona batek gutxienez zazpi lagun hil ditu, Jerusalem ekialdeko sinagoga batean

Mikel Elkoroberezibar Beloki - Mikel O. Iribar

Ustezko erasotzaileak beste hamar pertsona ere zauritu ditu. Israelgo armadak erasoaren ustezko egilea hil du. Hamasek ekintza goratu du, baina ez du bere gain hartu. Gazatik bost suziri jaurti dituzte Israelera, eta Israelek Gaza bonbardatu du.

Ehorzketa etxe bateko bi langile droga trafikatzailea zelakoan hil zuten pertsona baten gorpua eramaten, Manilan, 2021eko irailean ©ROLEX DELA PENA / EFE

NZAk berriz ireki du Filipinetako drogaren kontrako gerrari buruzko ikerketa

Ander Perez Zala

Auzitegiak fiskaltzaren eskaria onartu du, argudiatuta Manilak harturiko erabakiak ez direla nahikoa izan. Duterteren agintaldian 30.000 lagun hil zituzten, giza eskubideen aldeko erakundeen arabera.

 ©Paolo Aguilar/ EFE

Dina Boluarteren aurkako zentsura mozioa aurkeztu dute

Berria

Peruko Kongresuko zenbait kideren arabera, presidentea «ez da gai» kargu horretan jarduteko

Herritar batzuk gizon baten hilotza eramaten, atzo, Jeninen. ©ALAA BADARNEH / EFE

Israelgo indarrek gutxienez hamar palestinar erail dituzte bi erasotan, tiroz

Julen Otaegi Leonet - Mikel O. Iribar

Jenin hirian eta Jerusalem ekialdean oldartu dira militarrak. Armadako buruak «terrorismoaren kontrako jarduerekin» jarraitzeko agindu du

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...