Sute bat piztu da arratsaldean Ezkaba mendian, Artika eta Antsoain (Nafarroa) herrien artean. Sutea berehala zabaldu da haize ufaden ondorioz. Suhiltzaileak sua kontrolatzeko lanetan aritu dira, eta kontrolatzea lortu dute. Bi helikoptero eta hegazkin bat aritu dira itzaltzeko ahaleginetan; horretarako, ura garraiatu behar izan dute Artikako igerilekuetatik.
@berriapic.twitter.com/cUWjObNN5c
— Ion Orzaiz (@IonOrzaiz) August 13, 2021
Sua 17:30ak aldera piztu da, eta suhiltzaileek ordubete geroago lortu dute kontrolatzea, sugarrak zuhaitzak diren lekura iritsi aitzin.
Nafarroako Gobernuak sute arriskuen kontrako segurtasun neurriak betetzeko eskatu zuen atzo.
