Foruzaingoak ohar baten bidez jakinarazi duenez, Villatuertan (Nafarroa) gizonezko bat atxilotu dute indarkeria matxistarekin loturiko delitu bat egotzita; ez dute data zehaztu. Zehazki, emandako informazioaren arabera, lankideari sexu abusuak egiteagatik atzeman dute gizona.
Villatuertan gertatutakoa ez da azken egunotan Nafarroan aditzera eman den indarkeria matxista kasu bakarra. Beste bi atxiloketa izan dira: Iruñean bata, Tafallan bestea.
Beste atxiloketa bat, Tuteran
Halaber, Tuteran pertsona bat atxilo eraman dute sexu ukigabetasunaren aurkako delitu bat egotzita. EITBk zabaldu du kasu horren inguruko informazioa.