SUMENDIA

Aditu batek BERRIAri azaldu dio Kanarietako sumendiaren gasak ez direla Euskal Herrira iritsiko

Duela egun batzuk, Copernicus sateliteak argitaratutako mapa batek aditzera ematen zuen litekeena zela La Palmako sumendiak bota dituen gasak Euskal Herriraino heltzea. Orain, ordea, zientzialariek diote aurreikuspenak aldatzeko aukera dagoela.

La Palmako sumendia laba jariatzen. CARLOS DE SAá
jone arruabarrena
2021eko irailaren 24a
17:10
Entzun

Duela egun batzuk Copernicus Europako sateliteen sistemak jakinarazi zuenez, La Palmako sumendiak airera bota duen sufre dioxidoa Iberiar penintsulako zati handi batean barreiatuko zen gaur, eta, besteak beste, Euskal Herrira iritsiko zen.

Hala ere, fenomeno naturalekin gertatu ohi denez, aurreikuspenak ez dira beti betetzen. «Simulazio horiek batzuetan ez dira zehatzak izaten», azaldu dio Simon Carnek BERRIAri. Michiganeko Unibertsitate Teknologikoko irakaslea da Carn. Sumendietan aditua da, eta horiek airera botatzen dituzten gasak gertutik aztertzen ditu. Esan duenez, Copernicus sateliteak erakusten dituen mapa horiek simulazioak dira, eta ez benetako neurketak. «Orain arte, sufre dioxidoaren satelite bidezko neurketek Kanaria uharteetatik hurbil mantentzen diren gas bolkanikoak erakusten dituzte, eta ez dute Euskal Autonomia Erkidegotik hurbil dagoen gas kantitate esanguratsurik erakusten».

Irakurri gehiago:Erraietatik jauzi da

Hala ere, zientzialariak ohartarazi du hurrengo egunetan erupzioa indartsuagoa bada posible dela gas bolkanikoak Kanaria uharteetatik «urrutiago» garraiatzea.

Carnek bere Twitter kontuan argitu duenez, gas horiek Madeirara iristen ari dira, batez ere iparraldera. Tenerife eta Lanzarotera ere zabaltzen dabiltzala iragarri du.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.