Albistea entzun

Azken ordukoa

EHUko ikaslea da Leioako campusean atzo eskopeta batekin tiroka aritu zen gaztea

Erasotzaileak 21 urte ditu, eta Ertzaintzak atxilo eraman zuen. Unibertsitateak zabaldu duenez, «espediente ona» du.

Ertzainak tiroketa izan den eraikinaren parean, atxiloketaren ondotik.
Ertzainak tiroketa izan den eraikinaren parean, atxiloketaren ondotik. Miguel Toña/EFE Tamaina handiagoan ikusi

Uxue Rey Gorraiz -

2021eko urriak 14 07:18

Gizonezko bat eskopeta batekin sartu zen atzo EHU Euskal Herriko Unibertsitateko Leioako campusean, 19:00ak aldera. Zientzia eta Teknologia fakultatean sartu zen, eta tiroka hasi zen; kontatu dutenez, 40 tiro inguru eman ditu, fakultatearen barrenetik eta leihoetako kristalak zulatu zituen. Gertatutakoaren berri izandakoan, Ertzaintza bertaratu zen campusera, eta ordubetera gizona atxilo eraman zuten; suzko arma batekin mehatxuak egitea eta kalteak eragin izana leporatuta atxilotu zuten. Emandako datuen arabera, erasotzailea 21 urteko gazte bat da. Halaber, argitu dutenez, ez da zauriturik izan; kalte materialak baizik ez dira izan.

Unibertsitateak zabaldu duenez, tiratzailea hango ikaslea da, eta «espediente onekoa».

Polizia abisua jaso eta minutu gutxira bertaratu zen campusera. Egoera kontrolatzeko ahaleginean, eremutik alde egiteko eskatu zieten bertan ziren ikasleei, campusa hustu zuten, eta ikasleek debekatuta izan zuten eraikinean sartzea. Hainbat minutuz, anabasa izan zen nagusi, jendeak informazio nahasia izan baitu gertatzen ari zenari buruz.

Erasoa gertatu den momentuan campusean ziren zenbait gaztek sareen bidez zabaldu zuteb informazioa. Ziurtatu zutenez, ziurgabetasuna zen nagusi.

Tiroketa gertatu eta ordu batzuetara, Eva Ferreiro EHUko errektoreak ere lasaitasun mezua zabaldu zuen Twitter bitartez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Patera bat, Kanariar Uharteetan. / ©Javier Fuentes Figueroa, EFE

Atxondon bizi den familia bateko zazpi ahaide hil dira Europara iritsi nahian

Jon Ordoñez Garmendia

Asteazkenerako bilkura batera deitu dute, 19:00etarako, euren senideak galdu dituzten hiru atxondarrei elkartasuna adierazteko, Anboto.org-k jakinarazi duenez.

Astebetean 939 positibo atzeman dituzte Hegoaldean

Astebetean 939 positibo atzeman dituzte Hegoaldean

Arantxa Iraola

COVID-19ak jotako 97 pertsona daude erietxeetan, horietako 31 ZIUetan; astebetean zortzi gaixo hil direla jakinarazi du Osakidetzak.

Hetelek emandako prentsaurrekoa, gaur goizean, Bilbon ©Oskar Matxin Edesa / FOKU

Ikastetxeek Lanbide Heziketa inklusiboa lortzeko itun bat eskatu dute

Irati Urdalleta Lete

Hetel elkarteak nabarmendu duenez, Oinarrizko lanbide Heziketa «aukera eskola bat» da, besteak beste, hezkuntzan arazoak dituzten gazteei edo migratzaileei laguntzen dielako.

Beste sarekada batean haur pornografiarekin lotuta atzemandakoa informatika materiala ©HANS KLAUS TECHT, EFE

Hiru gizon atxilotu dituzte Donostian, Urretxun eta Lazkaon haur pornografiagatik

Berria

Haur pornografia izatea eta Interneten zabaltzea leporatzen diete.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna