Albistea entzun

Eusko Jaurlaritzaren eskaerak

 

Berria -

2021eko urriak 14 12:37

Eusko Jaurlaritza txosten bat eratzen ari da argindarraren igoerari aurre egiteko proposamenekin, eta Espainiako Gobernuari eta Europako Batzordeari helaraziko die. Hauek dira Arantxa Tapia Ekonomiaren Garapen sailburuak azaldutako neurri nagusiak:

Espainiako Gobernuari

Zerga eta tasak murriztea. Energiaren ekoizpenarekin eta haren distribuzioarekin harremana ez duten zergak eta karguak indargabetzea, behin-behinean atzeratzea, edo Espainiako Gobernuak bere gain har ditzala. Tapiaren kalkuluaren arabera, fakturaren zenbatekoaren %40 edo %45 dira kargu horiek: energia berriztagarrien sariak, uharteetara argindarra banatzeko kostuak, iraganeko tarifaren defizita estaltzea... Enpresei eta kontsumitzaile arruntei eragingo liekeen neurria da, argindar enpresek zerga horiek fakturara eramaten dituztelako.

Dekretua leuntzea. Gaur bozkatuko den argindarraren inguruko dekretua leuntzea eskatu dio Espainiako Gobernuari. Tapiaren ustez, badago tartea.

Europako Batzordeari

Neurriak ahalbidetzea. Espainiako Gobernuak argindar fakturako tasak murriztuko balitu, erabaki hori estatu laguntzatzat ez jotzeko eskatu dio Europari.

Argindar enpresei

Prezio finkoagoak enpresentzat. Enpresen argindar kontsumoa prezioaren bilakaeren menpe dago. Jaurlaritzaren ustez, konpainiek prezio finkoagoak eskaini beharko liekete. Esaterako, kontsumoaren %60 aurrez zehazturiko prezioan saltzea. EBn badaude antzeko kasuak.

Euskal gizarteari

‘Energiaren herri ituna’. Jaurlaritzak ‘Energiaren herri itun’ bat nahi du, erakundeak, alderdiak eta enpresak elkartuko dituena. Helburua energia gehiago sortzea, eta kontsumo eraginkorragoa lortzea da. Araban, Bizkaian eta Gipuzkoan kontsumitzen den energiaren %8,6 baino ez da ekoizten bertan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Informazioak enpresan duen balioa. ©Oreka IT

Informazioaren balioa zure prozesuen kontrolean eta kudeaketan

Oreka IT

Bizi ala hil? Arrakasta izan ala itxi? Zure enpresan sortutako informazioa kontrolatzeak zure prozesuen kudeaketa hobetzen lagunduko du, lan errepikakorrak eta garestiak aurreztuko ditu, eta gertaeretan oinarritutako erabaki hobeak hartzeko modua emango du.

Eraldaketan eragile eta bidelaguna izatea da EMUN kooperatibaren asmoa, enpresa, erakunde eta gizarte eragileekin batera eraldaketarako bideak irekitzen laguntzea. Irudian, EMUN kooperatibako kide batzuk. ©EMUN

Norbera eraldatzea bestearengan eragiteko

Emun

Bezeroari hobeto erantzuteko eta emunkideak ahalduntzeko bere antolamendua eraldatzeko zereginean dihardu EMUN kooperatibak.

Be Veggie, Euskadiko jaialdi beganoa

Be Veggie, zure hitzordu beganoa

Ficoba

Ficoba fundazioak bultzatutako eta antolatutako Be Veggie jaialdi beganoaren hirugarren aldia abian da. Ohi bezala, Ficoban izango da, abenduaren 4tik 6ra, abenduko zubiarekin bat eginez.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.