Hegobus konpainiako autobus batek bizikletan zebilen gizon bat harrapatu du gaur Donibane Lohizunen (Lapurdi), eta ospitalera bidean hil da 73 urteko gizona. Eguerdiko 12:30 aldera gertatu da, tren geltokiko biribilgunean. Autobus gidaria ere shock egoeran geratu da, eta ospitalera eraman dute.
Hegobus autobus sareaz arduratzen den Transdev enpresak adierazpenak egin ditu, eta doluminak bidali dizkio hildakoaren sendiari. Gidariari behar duen guztian laguntzeko hitza hartu dute.