Albistea entzun

Ikasleen ongizatea helburu duen Laguntza programa DBHra zabaldu dute Nafarroan

Nafarroako Gobernuak hezkuntza arloko adituekin sortutako programa bat da, eta helburuetako bat suizidio ahaleginak saihestea da.

Laguntza programako sortzaileak, Iruñean
Laguntza programako sortzaileak, Iruñean IÑIGO URIZ / FOKU Tamaina handiagoan ikusi

Olaia L. Garaialde -

2021eko urriak 20

Nafarroako Gobernuak zabaldu egingo du Laguntza programa, hezkuntza emozionalerako egitasmoa: gaurtik aurrera martxan da Derrigorrezko Bigarren Hezkuntzan ere. Iruñean egindako agerraldian, Itziar Irazabal Hezkuntza Departamentuko Bizikidetza Aholkularitzako negoziazio buruak azaldu du helburua ikasleen, irakasleen eta familien «ongizatea bermatzea» dela. Hezkuntza emozionalaren bidez dinamikak eskaini nahi dizkiete ikasleei arazoei aurre egiteko; hala nola eskola jazarpenari eta suizidioari. Ez du daturik eman, baina suizidio ahaleginetan gorakada egon dela azaldu du: «Lehen, eskola jazarpen kasu asko genituen, baina orain, zoritxarrez, gorakada nabaria eta oso kezkagarria sumatu dugu suizidioaren gaiarekin. Programa honek halako gertakariak eta egoerak saihestu nahi ditu».

Nafarroako Gobernuak, Kaeru hezkuntza arloko entitateak eta Eva Bache adituak sortu dute programa. Duela bi urte abiatu zuten Haur Hezkuntzan eta Lehen Hezkuntzan, hamabi eskolekin batera. Aurten jarraipena eman diote Derrigorrezko Bigarren Hezkuntzan, eta hogeita bat eskola batu dira. «Kontuan hartu dugu haurrek eta nerabeek etapa bakoitzean izan ditzaketen zailtasunak, eta horiei kasu egin diegu», esan du Irazabalek.

Etorkizuneko helburua ongizatea komunitatera zabaltzea da, baina aurten «ongizate pertsonalean» kokatu direla azaldu du Irazabalek: «Iruditzen zaigu oso garrantzitsua dela ongizate pertsonala lehenik eta behin irakaslearekin berarekin lantzea, ostean ikasleekin bermatu ahal izateko eta begirada zabaltzeko».

Horretarako, talde eragile bat sortu dute, eta hogeita lau orduko formakuntza «sakona» eskaini diete. Horrez gain, irakasleek hamabi orduko formakuntza jaso dute, eta zenbait dinamika eskaini dizkiete. Bi helburu nagusi dituzte: gelara zabaltzea eta adinaren arabera lantzea.

Beraz, laguntza eskaintzeko eta entzuteko dinamikak jasotzen dituen programa bat da, eta besteak beste, eskola jazarpenarekin amaitzeaz gain, prebentzioa indartu nahi dute kasuak saihesteko. Suizidioa landu nahi duten beste alor bat da: «Ez dugu bilatzen suizidioaz hitz egitea, baizik eta, norbaiti horrelako ideiarik burutik pasatuko balitzaio, jakin dezala baduela norbait edo guneren bat berarekin egoteko eta laguntza eskaintzeko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskaraz ikasteko eskubidea aldarrikatu zuten atzo NUPeko Euskara Taldeko kideek. ©NUP-EKO EUSKARA TALDEA

Euskararen eguna: Txibiteren agendan ageri ez den ospakizuna

Ion Orzaiz

Euskararen Nazioarteko Eguna «ospatzera» deitu du Ana Ollo kontseilariak (Geroa Bai), baina gobernuak ez du ekitaldi ofizialik prestatu
Mikel Otero EH Bilduko legebiltzarkidea, atzo, osoko bilkuran. ©R.BOGAJO / FOKU

Udalen autonomia urratzea arbuiatu du oposizioak, aho batez

Edurne Begiristain

Ingurumen administrazioaren lege egitasmoari jarritako zuzenketa kritikatu dute EH Bildu, EP-IU eta PP-C's-ek. EAJk eta PSE-EEk esan dute klima aldaketaren erronkei erantzuteko tresna bat dela
<b>Mahai ingurua.</b> Ezkerretik, Lander Muñagorri, Ihintza Ostolaza eta Joseba Ibarretxe. ©ARITZ LOIOLA / FOKU

Bolumena igo, ertzetan ere entzun dadin

Gotzon Hermosilla

Eremu erdaldunetako gazteei euskararen eta euskal kulturaren transmisioa nola bermatu aztertu dute jardunaldi batean. Zenbait adituk esan dute periferia, arazoa baino gehiago, «irtenbidea» izan daitekeela
<em>Batuz aldatu</em>-ren aurkezpena, aurtengo ekainean. ©JON URBE / FOKU

Hizkuntza politiketan eragiteko prest

Berria

Ia urte erdia pasatu da eremu askotako ia ehun eragilek adostutako 'Batuz aldatu' dokumentua aurkeztu zutenetik. Euskara eroso erabiltzeko baldintzak sortzea du helburu egitasmoak. Arloz arloko lanketari ekingo diote 2022an.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.