Albistea entzun

Koronabirusa

Jolasgaraian 12 urtetik beherakoak maskara janztera derrigortzen dituen aginduari eutsiko dio Jaurlaritzak

Gotzone Sagarduik argudiatu du haurrak babesteko neurri bat dela, eta esan du gaur egungo egoera ez dela ona.

Aste honetan Haurrak Bai-k deituta Ataungo Joxemiel Barandiaran herri ikastetxean egin duten eserialdia. /
Aste honetan Haurrak Bai-k deituta Ataungo Joxemiel Barandiaran herri ikastetxean egin duten eserialdia. / Goierriko Hitza Tamaina handiagoan ikusi

Jon Ordoñez Garmendia -

2021eko urriak 22

Gotzone Sagardui Eusko Jaurlaritzako Osasun sailburuak esan du 12 urtetik beherakoek jolasgaraian maskara janzten jarraitu beharko dutela, «beste olatu bat» eragin dezakeen egoera bat delako oraingo hau. Esan du maskara ez dagoela pentsatua inor izorratzeko, baizik eta «babesteko». «Pandemiaren amaiera honetan normaltasuna mantentzen saiatzen ari gara», adierazi du.

Bilbon 2021-2024 aldirako estrategia soziosanitarioaren aurkezpenean egin dituen adierazpenetan, argudiatu du pandemiak utzi duen lezioetako bat dela birusak «bizirik irautea" bilatzen duela, eta hori herritar zaurgarrienekin lortzen duela: «Orain 12 urtetik beherako haurrak dira zaurgarrienak, ez daukagulako haiei jartzeko txertorik».

Sagarduik iradoki du, gainera, maskarak lagundu egiten diela haurrei, elkarrekin jolasteko aukera ematen dielako, distantziarik gorde behar izan gabe. Gogoratu du protokoloak ezartzen duela maskara janzteko beharra distantziarik mantendu ezin denean, eta gaur egungo egoera ez dela ona, beste olatu bat eragin dezakeelako.

Aste honetan, Eusko Jaurlaritzaren Hezkuntza Sailean 7.000 sinadura aurkeztu dituzte ikastetxeetan maskararen erabilera malgutzeko eskatuz. Besteak beste, eskatzen dute umeek maskara kentzeko aukera edukitzea patioan daudenean, ariketa fisikoa egiten ari direnean eta irtenaldietan.

«Azken hezkuntza protokoloaren ostean, zur eta lur gaude; ez diogu zentzurik ikusten 6-12 urte bitarteko haurrek aire zabalean maskara jantzita egon beharraren argudioari, haurrak herriko parkeetan eta plazetan maskararik gabe baitabiltza», zioten protesten deitzaileek.

Sinatzaileek argudiatu zuten agindua diskriminatzailea dela, ikastetxeetako protokoloa ez datorrelako bat ikastetxeetatik kanpo aire zabalean maskara erabiltzeko dagoen araudiarekin. Gogorarazi dutenez, «biztanleria ahularen» gehiengoa txertatuta dago egun, eta horrek modua ematen du ikasleei aplikatzen zaizkien neurriak «ahalik eta lasterren» malgutzeko.

Astelehenean, hainbat ikastetxetan eserialdiak egin zituzten haur eta gurasoek eskoletako atarietan, protesta egiteko: «Ez dugu onartzen maskararen derrigorrezko erabilera haurretan». Salatu zuten umeen beharrak ez direla aintzat hartzen: «Haien garapenari dagozkion beharrak kontuan hartu gabe hartzen dira erabakiak».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zitarik gabe txertatzeko gunea, Mutiloan (Nafarroa). ©IDOIA ZABALETA / FOKU

1.890 positibo atzeman dituzte Hego Euskal Herrian

Ion Orzaiz

Nafarroako Gobernuak ez du baztertu «neurri komunitario gehiago ezartzea», izurriaren bilakaeraren arabera

Arantxa Tapia Eusko Jaularitzako Ekonomia Garapena, Jasangarritasuna eta Ingurumen sailburua ©David Aguilar/ Efe

Ingurumen Administrazioaren Legea onartu du Eusko Legebiltzarrak

Edurne Begiristain

EAJren eta PSE-EEren botoekin egin du aurrera legeak. Oposizioak aho batez arbuiatu du araua, eta bereziki kritikatu du EAJk eta PSE-EEk interes orokorreko proiektuak izendatzeko sortutako figura berria.

Zadorra ibaia, gainezka egina, artxiboko irudi batean. ©Juana Ruiz, FOKU

Ibaiek gainezka egin dute hainbat tokitan, eta uholde arriskuak kezka piztu du

Berria

Euriteen eraginez, Zadorra eta Cadagua ibaietako ura hainbat tokitan atera da bidetik, eta zirkulazioa nabarmen korapilatu da azken orduetan. Jaurlaritzak larrialdi egoeraren bigarren fasea ezarriko du eguerdian.

Frankismoaren Aurkako Euskal Plataformaren agerraldia, gaur, Gasteizen ©Jaizki Fontaneda/ Foku

Elkarretaratzea deitu dute frankismoaren biktimentzako justizia galdegiteko

Unai Etxenausia

Frankismoaren Krimenen Aurkako Euskal Plataformak biharko deitu du bilkura, Gasteizko epaitegien aurrean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.