Foruzaingoak jakinarazi duenez, Iruñeko 43 urteko emakumezko bat zendu zen igande arratsaldean Zenozko (Nafarroa) Robledales hipika zentroan, Ultzaman. Emandako informazioaren arabera, emakumea hipika txapelketa batean lehiatzen aritua zen Hondarribian (Gipuzkoa). Zenotzera bueltatutakoan gertatu da ezbeharra: zaldia kamioitik jaisten ari zela, animaliak ostiko bat eman zion emakumezkoari. Orduantxe hil zen, kolpearen ondorioz.
Poliziak ikerketa abiatu du ezbeharra zehazki nola gertatu den argitze aldera.