Albistea entzun

Lan erreforma

Lan erreformarekin zer egin nahi duen «argitzeko» eskatu dio Diazek Espainiako Gobernuari

Kontraesanezko adierazpenak egitea egotzi dio, eta onartu du gobernu koalizioa «une korapilatsu» batean dagoela

Lavandeira Jr. / EFE
Lavandeira Jr. EFE Yolanda Diaz Espainiako lan ministroa. Tamaina handiagoan ikusi

Imanol Magro Eizmendi -

2021eko urriak 25 14:06

Lan erreformaren inguruko eztabaida azalera ekartzen ari da Espainiako Gobernuko koalizioan dauden tirabirak. Ingurumari horretan, Yolanda Diaz Espainiako lan ministroak «argitzeko» eskatu dio PSOEri, eta azal dezala zein den bere benetako asmoa. Izan ere, Diazen ustez, PSOEko Gobernuko arduradunak «adierazpen ezberdinak» egiten ari dira auziaren inguruan. Era berean, kritikatu du «gobernuaren zati bat», PSOErena alegia, oraindik erreformaren osagaiak eztabaidatzen ari dela.

PSOE eta Unidas Podemosen arteko harremana ez dago bere garairik onenenean. Diazek onartu du «une korapilatsu» batean dagoela, baina hori konpontzeko izendaturiko negoziatzaileei lan egiten utzi behar zaiela. Lan erreformaren inguruko talka da harreman hori gaiztotzen ari diren arrazoietako bat. Orain arte, Diaz izan da gobernuaren ordezkaria sindikatu eta enpresariekin eginiko bileretan, eta gobernuak erabaki du Nadia Calviño Ekonomia ministroak ere parte hartzea. Podemosek «esku hartze» hori salatu zuen iragan astean.

Diazen ustez, dena den, badago bat eginda jarraitzeko aukera, gobernu akordioa ez delako alderdien arteko lotura bakarra; besteak beste, bat baitatoz PPk bere garaian lan harremanetarako ezarritako ereduak ez duela balio «une honetarako» . Alde horretatik, gogor kritikatu du PP sustatzen ari den erreformaren inguruko «ikuspegi apokaliptikoa».

Diazek, horrela, haserre hitzekin erantzun dio Cuca Gamarra PPko bozeramaileari. Hark esan du lan erreforma egiten bada Europako Funtsak kolokan egon daitezkeela; Diazek, aldiz, ukatu egin du hori: «Europak ez digu halakorik esan, eta, Alderdi Popularrak aurkakoa esan arren, Espainia ez dago ekonomikoki porrot eginda».

Kontraesanezko adierazpenak egitea egotzi dio, eta gobernu koalizioa «une korapilatsu» batean dagoela onartu du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

EAJko buru Andoni Ortuzar eta CEOEko buru Antonio Garamendi. ©LUIS TEJIDO / EFE

EAJk berretsi du ez duela abstentziora joko ez bada lan itunen lehentasuna aldatzen

Xabier Martin

EAJko presidente Andoni Ortuzarrek esan du ez dela egongo «abstentzio taktikorik» eta ez duela «pasatzen utziko»,  «sinplea eta erraza» delako erkidegoetako lan hitzarmenen nagusitasuna jasotzea erreforman. CCOOko buru Unai Sordok dio bi urte gelditzen direla legegintzaldian «aldaketak egiteko».

Ontzi bat Bilboko portuan sartzen ©Luis Jauregialtzo (Foku)

Esportazioak pandemia aurreko kopuruetara itzuli dira

Jokin Sagarzazu

Petrolio olio finduak, ontzigintza eta siderurgia nabarmentzen dira. Autogintzak ere gora egin du, Araban bereziki; Nafarroan, aldiz, behera.

Sidenorreko behargin bat, lanean, Basauriko fabrikan. ©MARISOL RAMIREZ / FOKU

Basauriko Sidenorren lan ituna adostu dute, eta KPItik behera igoko dituzte soldatak

Xabier Martin

LSB-USO, Senda de Ugarte, UGT eta CCOO sindikatuek 2026. urte arteko lan hitzarmena egin dute zuzendaritzarekin, eta soldatak %2,5 igoko dira aurten.

Guggenheimeko garbitzaileek Bilbon egin duten manifestazioa. ©Monika Del Valle / FOKU

Guggenheimeko garbitzaileek babesa eskatu diete hura diruz hornitzen duten erakunde publikoei

Imanol Magro Eizmendi

223 egun daramatzate greban, eta Jaurlaritzak esku hartzea erabaki du, baina, oraingoz, artekari moduan bakarrik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.