Gasteizko Udalak ohar baten bidez jakinarazi duenez, Udaltzaingoak gizon bat atxilotu zuen igande arratsaldean, exhibizionismo delitua leporatuta. Zehazki, Poliziak jakinarazi duenez, Judimendi parkean bere buruari ukituak egiteagatik eraman dute atxilo gizonezkoa; jendaurrean ari zen, hainbat herritar baitziren momentu horretan parkean. Gainera, udaltzainek jakinarazi dute hainbat laguni segika ere aritu zela. Atxilotuak 63 urte ditu.
Parkean zen herritar batek eman zien abisua poliziei. Hala, udaltzainak hara joan ziren. Gizonezkoa banku batean eseria zen, eta handik minutu batzuetara atxilotu zuten.
