Gasteizko Udaltzaingoak 36 urteko gizonezko bat atxilotu zuen iragan igandean, kalean emakume bati eraso egitea egotzita. Horren ostean, polizia bati oldartu zitzaion, Gasteizko Udalak jakinarazi duenez. Erasoa Babesgabetuen Andre Mariaren plazan gertatu zen, eta udaltzainek Santa Barbara plazan atxilotu zuten gizonezkoa.
Larunbatean, berriz, 21 urteko gizonezko bat atxilotu zuten Andre Maria Zuriaren plazan, emakume bati ukituak egitea leporatuta; eta aurreko egunean, 47 urteko beste gizonezko bat atxilotu zuten, bikotekideari eraso egitea egotzita.
