Joan den astean Sendagaien Europako Agentziak EMAk iragarri zuen Merck botika etxearen Molnupiravir ahozko antibirala berrikusteko prozesuan zegoela, eta gaur urrats berria egin du: oniritzia eman dio botika hori «larrialdi egoeratan» erabiltzeari. Marco Cavaleri EMAko kideak gaur jakinarazi duenez, egindako azken ikerketek erakutsi dute botikari esker murriztu egiten dela koronabirusa gorputzean garatzeko aukera, eta horrek, aldi berean, gutxitu egiten duela gaitzarekin larri gaixotu edota hil daitezkeen pertsonen kopurua.
Botika horrek ez du lortu oraindik merkaturatzeko baimenik, baina Cavalerik argitu du baimen hori iritsi bitartean estatuek aukera izango dutela botikari «larrialdialdi erabilera» emateko. Orain arte, Erresuma Batuak baino ez du onartu antibiral horren erabilera.
