ELAk Eusko Jaurlaritzari eta Eudeli eskatu die baimen ordaindua emateko konfinatuta edo ikasgelak ixteagatik etxean egon behar dutenak zaindu behar dituzten langile publikoei. Iragarri dute mobilizazioak izango direla k¡hala egin ezean.
Sindikatuak azaldu duenez, irailean ere eskaera bera egin zien Eusko Jaurlaritzari, Eudeli eta Nafarroako Gobernuari, baina azken horrek soilik onartu zuen. «Pandemiaren bilakaera ikusita, eta kontuan hartuta gero eta ikastetxe gehiagok dauzkatela ikasgelak itxita, ELAk berriro ere aurkeztu ditu idazkiak eskaera berretsiz», azaldu du sindikatuak ohar batean. Haren irudiko, «erabaki larria eta arduragabekeria izugarria» da zaintza epe hori oporrak hartuta edo ordaindu gabeko baimenen bidez egin beharra.
