Guardia Zibilak gizon bat atxilotu du gaur goizean Gasteizen, Alea.eus-ek jakinarazi duenez. Arabako aldizkariak zehaztu duenez, Guardia Zibileko GAR Ekintza Azkarrerako Taldeko agenteek atxilotu dute eta sekretupeko sumario baten barruan dagoen operazio batean. Oraindik ez dute eman atxilotzeko arrazoiaren berri.
Ibaiondoko Hondarribia kaleko eraikin batean egin dute atxiloketa. Gasteizko udaltzainen laguntza izan dute inguruetako kaleak kontrolatzeko. Hiru Patrol hara joan dira, eta hainbat guardia zibilek etxebizitza baten barrua miatu dute, beste batzuek sarrerak eta irteerak kontrolatzen zituzten bitartean. Ondoren, gizonezko bat atxilo eraman dute.
