Albistea entzun

'Mozal legea'

Polizietako sindikatuak plazara atera dira 'mozal legea'-ren erreformaren aurka

Ertzaintzako, Foruzaingoko, udaltzaingoetako, Guardia Zibileko eta Espainiako Poliziako ordezkariak batera egin dute protesta, besteak beste, herritarrek komunikatu gabeko bat-bateko bilkurak egiteko eskubidearen kontra agertzeko.

Polizien bilkura, Espainiako Gobernuak Iruñean duen ordezkaritzan, gaur.
Polizien bilkura, Espainiako Gobernuak Iruñean duen ordezkaritzan, gaur. Jesus Diges / EFE Tamaina handiagoan ikusi

Berria -

2021eko azaroak 24

Hego Euskal Herrian dauden polizia guztietako sindikatuetako ordezkariak bildu dira gaur Iruñean eta Bilbon, Mozal Legearen erreformaren aurka protesta egiteko.

Hamar sindikatuk egin dute bat Bilbon eginiko bilkuran, Plaza Eliptikoan: ErNE, Euspel, SiPE, SVPE-PLES, IGC, AUGC, CEP, SPP, SUP y UFP. Espainiako Poliziako SUPeko Ramon Cossio mintzatu da plataformaren izenean. Salatu du, besteak beste, legearen erreformari jarraikiz herritarrek komunikatu gabeko «bat-bateko elkarretaratzeak» egin ahal izatea.

Horrez gain, deitoratu du herritarrek Polizia grabatu ahal izatea, eta sare sozialetan zabaltzea, horrek poliziak «babesgabe» uzten dituelakoan. «Oso zaila da irudiak eta bideoak sareratzen dituzten pertsonen aurka jotzea. Gure lana zaila da. Gauzak okertzen direnean, geuk hartu behar dugu esku, eta, egoera horretan, geure lana itsusia izaten da», onartu du.

Espainiako Gobernuari eskatu dio polizien sindikatuekin hitz egin dezala, mozal legea aldatu aurretik.

Ertzaintzako ErNE sindikatuko Roberto Seijok esan du bilkura «historikoa» izan dela Araban, Bizkaian eta Gipuzoan ari diren polizia guztietako ordezkariak bildu dituelako. Legea aldatzeak «segurtasun eza» sortzen duela gaineratu du. Adierazi duenez, mobilizazioak egingo direla iragartzea derrigorrezkoa izan beharko litzatekeela. Horrez gain, kexua agertu du polizien testigantzari ematen zaion balioarengatik: «Ez badiote sinesgarritasunik ematen Poliziaren hitzari, geureak egin du!».

Ertzaintza Sipe sindikatuko Juan Carlos Saenz, berriz, deitoratu egin du gomazko pilotak erabiltzea zalantzan jartzea. «Ez diegu herritarrei minik egin nahi».

Iruñean, Espainiako Gobernuak duen ordezkaritzan bildu dira. Sindikatuetako kideez gain, Navarra Sumako eta Voxeko ordezkariak egon dira bilkuran.

Ez, segurtasunik gabeko Espainiari leloa zuen pankarta baten atzean bildu dira, eta Espainiako gobernuburu Pedro Sanchezen dimisioa eskatu dute, oihuz. Legearen erreformak kalean drogak edukitzeagatik jarritako isunak jaisteko bidea emango duela, deitoratu dute, irakurritako agiri batean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Casanova, Eusko Legebiltzarrean, artxiboko irudi batean. ©Endika Portillo / Foku

EH Bilduk Iker Casanova proposatu du Bizkaiko ahaldun nagusi izateko

Jon O. Urain

Hautagaitzak proposatzeko barne prozesua ekainaren 5era arte egongo da zabalik.

Pello Otxandiano EH Bilduko Programa zuzendaria, indar subiranistak martxoaren 30ean Bilboko Euskaldunan egin zuen ekitaldian. ©MONIKA DEL VALLE / FOKU

«Lidergo kooperatiborako» deia

Jon O. Urain

EH Bilduk Euskal Eredua agirian jaso du datozen urteetarako egitasmo politikoa. Haren diagnostikoa da «inertziak kudeatzen» ari direla baina «norabide berri bat» behar dela

Burujabetzaren aldeko «besta erraldoia» eginen dute ekainaren 5ean Amaiurren

Maddi Ane Txoperena Iribarren

Ekitaldi politikoa, martxa, bazkaria eta kontzertuak eginen dituzte Amaiuraldian, Nafarroa Berriz Altxa-k antolatuta.

Gazte Topagun Sozialistaren aurkezpena atzo, Durangon. ©Gazte Topagune Sozialista

Uztailaren 20tik 24ra eginen dute Gazte Topagune Sozialista, Durangon

Berria

GKS Gazte Koordinadora Sozialistak eta IA Ikasle Abertzaleek antolatu dituzte topaketak, bigarrenez. «Komunismoaren gaurkotasunaz» arituko dira, besteak beste, eta kontzertuak eta tailerrak ere eginen dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.