Atzoko 11:00etan egin zuten aurkikuntza, baina gaur zabaldu dute horren berria. Bi emakume gorpu topatu zituzten Bilboko Deustu auzoko etxebizitza batean.
Suhiltzaileek auzoen abisua jaso zuten, etxebizitza horretako atearen azpitik ura ateratzen ari zela eta. Barrura sartu zirenean, bi gorpuak aurkitu zituzten, eta Bilboko Auzi Medikuntzako Zerbitzura eraman zituzten; han aztertzen ari dira zer gertatu zitzaien, eta krimen baten zantzurik dagoen.
Eusko Jaurlaritzako Segurtasun Sailak zabaldu duenez, ama-alabak lirateke hildakoak, eta, lehen arrastoen arabera, ez dute indarkeria zantzurik.