Albistea entzun

polizia

Ertzain Abertzaleen Elkarteak 'mozal legearen' erreforma babestu du

Elkarteak ez du «onartzen» Herritarren Segurtasunerako Espainiako Legea aldatzearen aurkako manifestazioetan «ertzainak ere agertzea Espainiako ultra eskuineko kideekin batera».

Polizia sindikatuak, joan den astean, Bilbon.
Polizia sindikatuak, joan den astean, Bilbon. Luis Tejido / EFE Tamaina handiagoan ikusi

Jon O. Urain -

2021eko azaroak 30

Espainiako Gobernua Herritarren Segurtasunerako Legea erreformatzeko proposamen bat lantzen ari da, eta legean aldatu litekeenaren aurkako manifestazioak egin dituzte sindikatu ugarik. Hamar sindikatuk egin zuten bat joan den astean Bilbon eginiko bilkuran, Plaza Eliptikoan: Erne, Euspel, Sipe, SVPE-PLES, IGC, AUGC, CEP, SPP, SUP y UFP. Salatu zuten, besteak beste, legearen erreformari jarraikiz herritarrek komunikatu gabeko «bat-bateko elkarretaratzeak» egin ahal izatea.

Besteak beste, sindikatuok kritikatu dute herritarrek Polizia grabatu ahal izatea, eta sare sozialetan zabaltzea, horrek poliziak «babesgabe» uzten dituelakoan. «Oso zaila da irudiak eta bideoak sareratzen dituzten pertsonen aurka jotzea. Gure lana zaila da. Gauzak okertzen direnean, geuk hartu behar dugu esku, eta, egoera horretan, geure lana itsusia izaten da».

Guztiak ez datoz bat, ordea. Ertzain Abertzaleen Elkarteak babestu egin du mozal legearen erreforma: «Ezin dugu onartu Ertzaintzako sindikatu batzuetako buruzagiek legearen aldatzearen edo derogatzearen aurka agertzea, ezta legea indargabetzearen aurkako manifestazioetan ertzainak agertzea ere Espainiako ultraeskuineko kideekin batera, egite horrek euskal gizartearen zati batek, Ertzaintza osatzen duten gizon eta emakumeen sentimendua hori dela pentsaraztea ekarri dezakeelako. Errealitatetik oso urrun dago eta».

Elkarteak dio Ertzaintza eta ertzain gehienak «gizartearen eskubide eta askatasunen alde» daudela, eta jakitun direla lege horrek dakarren «manifestazio eskubidearen mugaketa. Manifestazio eskubidea herriaren polizia bati atxikita dago, gizartea babestea delako gure zeregina, herritarrek bere manifestazio eskubidea erabili dezan, hori baita Ertzaintzak gizarte demokratiko batean egiten duen lana». Era berean, salatu dute legearen aurkako mobilizazioak «politikoak» direla eta «eskuin muturreko ideologia bati lotuta» daudela: «Ertzaintzak ezin du muturreko ideologien ondoan egon, eta ezin du gizartearen eskubideei eraso eginez bere eskubideak defendatu».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Usansoloko herritarrek egindako mosaikoa. ©OSKAR MATXIN / FOKU

Bizkaiko 113. udalerria izateko azken urratsak ari dira egiten Usansolon

Iñaut Matauko Rada

Prozesuari buruzko erakusketa eta herri mosaikoa egin dute. Ondo bidean, urrian onartuko dute Bizkaiko Batzar Nagusiek desanexioa

 ©RAUL BOGAJO / @FOKU

«Gure ereduaren oinarrietako bat da printzipio komunitarioa»

Iosu Alberdi

Urtebete igaro da Espainiako Gobernuak Arabako, Bizkaiko eta Gipuzkoako kartzelen kontrola Eusko Jaurlaritzaren esku utzi zuenetik. Estrategia berria fintzen ari diren arduradun nagusietako bat da Artetxe.
Etxerat-ek antolatutako mobilizazio bat, Donostian. ©JAGOBA MANTEROLA / FOKU

Salbuespena desmuntatzen hasi den urtea

Iosu Alberdi

Euskal presoen %68,5 Euskal Herriko espetxeetan daude, eta gradu progresioak jasotzen hasi dira. Foro Sozialak uste du azken urtean «aurrerapauso sendoak» eman direla

Iñaki Larramendi: belaunaldi baten azkenetakoa

Iñaki Larramendi: belaunaldi baten azkenetakoa

Julen Aperribai

Txillardegi, Albisu, Gantzarain, Benito del Valle eta beste zenbaitekin batera Ekinen sortzaile izandakoa hil da, 93 urterekin. EGIrekin erabat hautsi, eta ETAren eratze batzarra egin zuen belaunaldi hark, 1958an.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...