Pertsona bat hil da gaur 05:22ean Nafarroan gertaturiko errepide istripu batean, eta beste bat larri zauritu. N-121errepidean jazo da ezbeharra, Cadreita parean. Zauritua Tuterako erietxera eraman dute, suhiltzaileen arabera.
Hildakoa Castejongoa da (Nafarroa), 23 urteko emakume bat. Zaurituak ere 23 urte ditu, eta Caparrosokoa da. Biak zihoazen autoetako batean.
Nafarroako Foruzaingoak zabaldu duenez, bi autok elkar jo dute aurrez aurre. Horren arrazoia ikertzen ari dira. Goizaldean itxita egon da errepidea Caparroson eta Los Abetosen.