Albistea entzun

AHT

Eusko Jaurlaritzak egingo ditu AHTa Gasteizera eta Bilbora lur azpitik sartzeko lanak

Espainiako Gobernuak eta EAJk akordioa lortu dute Eusko Jaurlaritzak kudea ditzan abiadura handiko trena Gasteizen eta Bilbon sartzeko lanak. Hiriburu bietan lur azpian eraikiko dira geltokiak.

AHTak Donostian izango duen geltokiaren eraikuntza lanak
AHTak Donostian izango duen geltokiaren eraikuntza lanak Gorka Rubio/ Foku Tamaina handiagoan ikusi

Unai Etxenausia-Edurne Begiristain -

2021eko abenduak 3 15:02

Abiadura handiko trena Bilbora eta Gasteizera lur azpitik sartzea eta lan horien kudeaketa Jaurlaritzaren esku geratzea adostu dute EAJk eta Espainiako Gobernuak. Aitor Esteban EAJk Espainiako Kongresuan duen bozeramaileak eman du akordioaren berri, Gasteizen. Akordioaren arabera, AHTaren Gipuzkoako zatiarekin egin den moduan, Jaurlaritzak hartuko du Gasteizko eta Bilboko zatien ardura, eta, beraz, Jaurlaritzak lanak eta dirua aurreratu beharko ditu; gastatutako dirua kupotik kenduko da gero. EAJk «historikotzat» jo du akordioa. Espainiako aurrekontuen negoziazioaren barruan lortu dute akordioa.

Gasteizen, Eusko Jaurlaritzaren esku geratuko dira Arkautiko lotunearen obra eta Arabako hiriburuan lur azpian eraikiko den geltokia. Bilbon, Jaurlaritzak kudeatuko ditu hiriburura sartzeko tunelak egiteko lanak, bai eta lur azpiko geltokia egiteko lanak ere. Zehaztu dutenez, Basauriko behin-behineko geltokia ez da martxan jarriko Bilboko tunelak egiten hasi arte.

Jeltzaleek adierazi dute bultzada erabakigarria dela akordioa, eta «mugarri» bat dela esan du Estebanek. Haren ustez, orain Bilbon eta Gasteizen egin ahal izango da Gipuzkoan «arrakasta handiz» egin dena. Gainera, azpimarratu du «erraztuko» duela obrak lehenago egitea, eta ziurtatuko dela obrak egin egingo direla.

Akordioa lortuta, orain bi protokolo sinatuko dituzte parte hartzen duten erakunde guztien artean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jokin Bildarratz Donostiako ikastetxe batean, ikasturte hasieran ©irekia

Eskola publikoetako zuzendariek baimena izango dute urtebetean eskolarik ez emateko

Irati Urdalleta Lete

Jaurlaritza ontzen ari den dekretu batean jaso dutenez, zortzi urte karguan egon ostean eskola publikoetako zuzendariek ez dute eskolarik eman beharrik izango urtebetean. Gainera, ikastetxean nahitaez egon beharreko ordutegia malgutuko diete, eta lehentasuna izango dute beste ikastetxe bat aukeratzeko.

Soraluzeko andrearen hilketa gaitzesteko elkarretaratzea, Elgoibarren. ©Jon Urbe, FOKU

Soraluzeko andrearen hilketa gaitzetsi dute dozenaka lagunek Elgoibarren

Julen Otaegi Leonet

Soraluzeko Udalak elkarretaratzera deitu du biharko, 19:00etarako.

COVID ziurtagiria, osalaritza negozio baten aurrean. ©Gorka Rubio / FOKU

COVID ziurtagiriaren luzatzea indargabetu du EAEko Justizia Auzitegi Nagusiak

Iñaut Matauko Rada

Herritar batek inpugnatu zuen COVID ziurtagariaren luzatzeko modua eman zuen dekretua, oinarrizko eskubideen babesaren arrazoiagatik, eta auzitegiak onartu egin du eskubideak urratzen zituela, «arin» bada ere.

Istripua izan duten ibilgailuak, ezbeharra gertatu berritan, gaur, A-1 errepidean. ©@trafikoaejgv

A-1 errepidea moztu dute Gasteiz parean, hainbat ibilgailuren arteko istripu bat dela eta

Berria

Hamar lagun zauritu dira ezbeharrean, eta larri daude horietako bi.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.