Azoka berezia aurtengoa, baina, behintzat, fisikoa. Hala,10:00etan ireki dira Durangoko Landako guneko ateak, Durangoko Disko eta Liburu Azokaren 56.a hasteko.
Ohi bezala ez bada ere, aurtengoan bada Durangoko Azoka: 56. aldia du Euskal Herriko kulturaren plaza eta erakusleiho nagusiak, eta datozen egunotan gertutik eta bertatik bertara jarraituko dugu sareetan. Adi, DA baDA! #baDA#56DA@berriapic.twitter.com/NrlMnSAEjG
— Nagore Arin (@nagorearin) December 4, 2021
Neurri bereziekin egingo da azoka, izurriarengatik. Gerediaga elkarteko ordezkariek azaldu dute dena prest dagoela agintariek ezarritako neurri berrietara egokitzeko.
Aurrez ordua hartu behar da aurten. Izan ere, gehienez ere, txanda bakoitzean 1.200 bisitari hartuko ditu Landako guneak, gaurtik hasi eta ostegunera bitarte. Eta beharrezkoa izango da sarrera Ahotsenea guneak Plateruena kafe antzokian antolatutako kontzertuetarako ere. Maskara beharrezkoa izango da, hala barruan nola Landakora sartzeko ilara egitean ere.
Arazo bat edukiko dute gaur goizean Donostia aldetik Durangora autoz joan direnak. A-1 autobidea itxi dute luizi batengatik, eta ibilgailuek Zarautzen atera behar dute, Zumaiaraino, han berriz A1ean sartzeko. Eguerdi aldera ireki dute autobideko errailetako bat.
Beste urteetan baino bisitari gutxiago dabil Durangoko Azokako korridoreetan, baina etorri diren bisitariak erakusmahaiz erakusmahai dabiltza aurtengo nobedadeen bila: aldi honetan 990 izango dira guztira. #baDA#56DA@berriapic.twitter.com/1KTuewFONm
— Nagore Arin (@nagorearin) December 4, 2021
Musika emanaldiak ere hasi dira Plateruenan. Horretan lehena izan da Bulego taldea.
Ahotseneako kontzertuak ere martxan dira Plateruena aretoan. @bulegotaldea izan da gune hori irekitzearen arduraduna, eta gonbidatu berezi bat ere ekarri dute gainera, @MarenMusiic. “Ezer ez da berdina” jo dute elkarrekin. #baDA#56DA@berriapic.twitter.com/rxnJkfaET7
— Nagore Arin (@nagorearin) December 4, 2021
56. azoka estreinatzeko, ekitaldi berezi bat egin dute hainbat gonbidatuk.
Durangoko Azokaren 56.aldiari “ongi etorri” esateko ekitaldi berezi bat egiten ari dira Szenatokian. Jende andana bildu da ekitaldira; tartean, politikariak eta eragileetako ordezkariak. Bideoan, Gontzal Mendibil, “Bagare” interpretatuz. #baDA#56DA@berria@durangokoazokapic.twitter.com/FWTpuTQZL8
— Nagore Arin (@nagorearin) December 4, 2021
