Albistea entzun

Lan gatazkak

Lanuzteekin jarraituko dute Orozkoko Artiachen

Sindikatuek salatu dute zuzendaritzak ez duela onartu nahi berea ez den beste proposamenik. Aiaraldeko enpresa nagusietako bat da: hirurehundik gora langile ditu.

Artiacheko langileen protesta bat Bilbon
Artiacheko langileen protesta bat Bilbon Aiaraldea.eus Tamaina handiagoan ikusi

Jokin Sagarzazu -

2021eko abenduak 6 18:52

Greban jarraituko dute Orozkoko (Bizkaia) Artiach galleta enpresako langileek. Egunero geratuko dira, hiru lan txandetan, bakoitzean lau orduz. Azaroaren 22an hasi zituzten lanuzteak, eta hilaren 23ra arte luzatu dituzte. Greba egiten ari dira zuzendaritzak «ezarri nahi dituen murrizketen» aurka eta lan hitzarmen «duin» baten alde. Duela urtebete inguru iraungi zitzaien ituna, eta salatu dute zuzendaritzak ez duela onartu nahi berea ez den proposamenik. Aiaraldeko lantegiak 220 behargin ditu, gehi aldi baterako beste ehun inguru.

ELAk, LABek eta ESK-k osatzen dute langile batzordearen gehiengoa, eta haiek deitu dute mobilizazioetara. Nabarmendu dutenez, zuzendaritzak soldatak izoztu nahi ditu, antzinatasun plusa eta beste batzuk murriztu, eta soldata eskala desberdinak sortu. Horrekin batera, lanaldia handitu eta lantaldea produkzioaren beharren arabera egokitu nahi du.

Sindikatuen arabera, azken urteetan Artiachek «irabazi handiak» izan arren, ez ditu lan baldintzak hobetu nahi. «Ez gara geldituko bidezko hitzarmen bat lortu arte, gure eguneroko lanarekin sortzen dugun aberastasuna banatzeko eta baldintzak hobetzeko».

Urri amaieran abiatu zituzten protestak, lantegiaren aurrean elkarretaratzeak eginda, eta azaroaren 22an hasi zituzten lanuzteak, egunero lau orduz geldituta, lan txanda bakoitzean. Grebara jo zuten «enpresa negoziatzera esertzeko gai ote zen ikusteko», baina ez dute lortu, lanuzteek «erantzun zabala» izan duten arren. Gainera, sindikatuek salatu dutenez, zuzendaritza protestak oztopatzen saiatu da, «ezkutuko gutxieneko zerbitzuak» ezarrita eta langileei «xantaia» eginda.«Erakusten ari da ez duela hitz egin nahi».

Grebarekin batera, beste mobilizazio batzuk egingo dituzte, eta horietan parte hartzera deitu dituzte Aiaraldeko herritarrak.

Guggenheimen, seigarren hilabetea

Bilboko Guggenheim museoko garbitzaileek, berriz, 178 greba egun egin dituzte astelehen honetan; honezkero, sei hilabete daramatzate. Salatzen ari dira 900 euro baino gutxiagoko soldatak dituztela, eta lan karga jasanezinak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hegazti gripea dela eta Gobernuak hegaztiak hiltzeko emandako agindua salatzeko manifestazioa, Donapaleun, iazko urtarrilean ©Guillaume Fauveau

Julen Perez: «Nahiago dute leku gutxitan ahate franko ukan, leku frankotan ahate guti baino»

Ekhi Erremundegi Beloki - Joanes Etxebarria

Hegazti gripean positibo eman ondotik, Beti Aitzina etxaldeko ahateak hiltzera joanen da Frantziako administrazioa gaur eguerdian. ELBk ez du hiltzea oztopatuko, baina elkarretaratzera deitu du laborariei babesa erakusteko.

Altzairutegi bateko langile bat metalak urtzeko labearen aurrean. ©Marisol Ramirez / FOKU

Langabezia %8.7ra jaitsi da Hego Euskal Herrian, eta 2019ko datuetara iritsi da

Imanol Magro Eizmendi

Iazko azken hiruhilekoan 21.000 lanpostu berri sortu zen. Suspertzea motelagoa izan da Nafarroan.

EH Bilduko kongresukide Mertxe Aizpurua beste alderdietako parlamentariekin. ©CHEMA MOYA / EFE

Beren ezezkoak garbi utzi dituzte EH Bilduk, ERCk, BNGk eta CUPek

Xabier Martin

«Erabateko zintzotasunez, negoziatzeko prest» azaldu dira alderdi subiranistak agerraldi bateratu batean, baina garbi utzita egungo erreforma ez dela nahikoa «langileei kendu zitzaien eskubideak berreskuratzeko».

LABek Adegiren egoitza «okupatu» du, lan erreformaren aurka

LABek Adegiren egoitza «okupatu» du, lan erreformaren aurka

Jokin Sagarzazu

Sindikatuko kideak ordubete inguru izan dira barruan. LABek «lan harremanen esparru propioa» galdegin du, eta azpimarratu horretarako «ziklo mobilizatzaile berri bat» ireki behar dela Euskal Herrian.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.