Albistea entzun

Ziurtagiriari buruzko lau erantzun

Eusko Jaurlaritzak, osasun ziurtagiriaren erabilera zabaldu duenez, hainbat galdera erantzun ditu erabileran sor daitezkeen zalantzen inguruan

Ziurtagiriari buruzko lau erantzun
Ziurtagiriari buruzko lau erantzun Tamaina handiagoan ikusi

Arantxa Iraola -

2021eko abenduak 17

Horra Eusko Jaurlaritzako Osasun Sailak eman dituen hainbat argibide lau galdera-erantzunetan jasota:

Non aurkeztu beharko da?
Ostatuetako barruko aldeetan ez ezik, joko aretoetan, zine aretoetan, museoetan, liburutegietan, antzokietan eta kultur jarduerak egiteko gainerako tokietan ere erakutsi beharko da. Kirol instalazioen barruko aldeetan ere bai. Ostatuetan ere salbuespena izango dira kanpoko aldeak, terrazak; Eusko Jaurlaritzako Osasun Sailaren arabera, toki itxietan bakarrik aurkeztu beharko da ziurtagiria, eta, ondorioz, terraza-eta antzekoetan ziurtagiririk ez du inork eskatuko. Establezimendu horietako langileei ez zaie eskatuko, eta lan kontuengatik bertara joan beharrean egon daitezkeen pertsonei ere ez.

Zein toki itxitan ez da eskatuko?
Ziurtagiririk ez dute eskatuko txoko eta elkarte gastronomikoetan eta lantokietako jangeletan; elizetan ere ez, elizkizunetan dauden bitartean. Eramateko produktuak saltzen dituzten kafetegietan-eta ere ez da eskatzeko obligaziorik egongo. Kafetegi-eta ere badiren okindegi eta antzekoetan osasun ziurtagiria bakarrik eskatu beharko zaio bezeroari establezimendu barruan zerbait jatera edo edatera badoa.

Merkataritza zentroetan nola jokatuko da?
Ez da beharrezkoa izango merkataritza zentroetan sartzeko inolako ziurtagiririk erakustea. Merkataritza zentroan jateko eta edateko aukera ematen duten establezimenduak badaude, horietan sartzeko aurkeztu beharko dute bezeroek ziurtagiria.

Aski da ziurtagiria aurkeztearekin?
Osasun Sailak gogora ekarri du ezinbestekoa dela ziurtagiriarekin batera nortasun agiria ere erakustea. Establezimenduetako arduradunek ez diete sartzen utzi beharko horrela jokatzen ez duten pertsonei, eta abisu emanda ere, kasurik egiten ez badute, Poliziari deitzeko era izango dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

<b>Ikasleak gelan.</b> Haur batzuk irakaslearekin batera ikasgelan, artxiboko irudi batean. ©BERRIA

Irakasle gehiago hartzeko ituna egin dute sindikatuek eta Jaurlaritzak

Maddi Ane Txoperena Iribarren Irati Urdalleta Lete

Hezkuntza Sailak eta Steilasek, LABek, CCOOk eta UGTk sinatutako akordioak irakasleen egonkortzea bultzatuko du, baita ikasgeletako ratioak jaitsi ere. Sare publikoan izango du eragina
Sindikatuen protesta bat, martxoan. ©RAUL BOGAJO / FOKU

Sindikatuek goraipatu egin dute itunak egonkortasuna sustatzea eta ratioak jaistea

I. Urdalleta Lete

Steilasek «modu kritikoan» sinatu du, «politika pribatizatzaileak lausotzen» dituelakoan. LABek «oso ondo» baloratu du akordioa
Indarkeria matxistaren aurkako bandera bat, Bilbon. ©MARISOL RAMIREZ / FOKU

Onarpena ardatz duen legea, onetsita

Edurne Begiristain

Sexu Askatasuna Erabat Bermatzeko Lege Organikoa onartu du Kongresuak, gehiengoz. Onespenik gabeko ekintzak bortxaketa gisa hartuko dira, eta erreparazioa bermatuko zaie biktimei
Miren Gorrotxategi, atzo, Eusko Legebiltzarrean. ©BERRIA

Eusko Legebiltzarrak klima aldaketaren herritar batzarra sortuko du

Oihane Puertas Ramirez

Ekinaldiaren helburua da, besteak beste, 2050. urtea baino lehen «klima neutraltasuna» lortzea. Ia aho batez onartu dute proposamena

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...