Ohi bezala, «gure sagardo berria» esanez irekiko dute txotx garaia aurten ere; Amak taldeko kideek izango dute ardura hori. Datorren astean egingo dute Sagardoaren Lurraldeak antolatutako hasiera ekitaldia, asteazkenean, Astigarragako Gurutzeta sagardotegian (Gipuzkoa). Amak taldea Alaitz Telletxeak, Maixa Lizarribarrek, Amaia Orejak eta Kris Solanok osatzen dute.
Urte hasierarekin batera, badator #sagardoberria dastatzen hasteko unea eta “Sagardo Berriaren Eguna” ekitaldiarekin emango diogu ongi-etorria. Hala, @AMAKtaldea-k irekiko du 2022ko txotx bolada urtarrilaren 12an Gurutzeta sagardotegian "Gure Sagardo Berria" esanda! 😀 #txotx2022pic.twitter.com/XWtRngwRYr
— Sagardoaren Lurraldea (@sagarlur) January 4, 2022
Sagardogileek datorren astean zehaztuko dute nolakoa izango den aurtengo txotx garaia. Iaz, ohi baino geroago abiatu zuten, eta neurri bereziekin, gainera. 2020an, Izaro Andres kantariak ireki zuen, eta gero bertan behera geratu zen, pandemiarengatik.
Aurtengo irailean, sagarrak biltzerakoan, sagardogileak baikor zeuden, sagar asko eta kalitatezkoa espero zutelako.