Atalaya enpresak argindarra sortzeko bi zentral hidroelektriko egin nahi ditu Gasteizen eta Subillan (Araba). Ponpaketa zentralak lirateke, hau da, bi urtegi izango lituzkete: goikoan biltzen den ura behekora eramatean sortuko litzateke argindarra, eta, gero, ura gorantz ponpatuko lukete berriro. Enpresa horrek berak beste egitasmo bat du Nafarroan, Uxueko, Santakarako, Murilloko, Caparrosoko, Oliteko eta Martzillako lurretan.
Enpresaren egitasmoak Espainiako Trantsizio Ekologiko ministerioaren datuetan ageri dira, El PeriĆ³dico de la Energia kazetak azaldu duenez. Atalayaren arabera, Arabako bi zentralen artean 25 GWh argindar pilatu ahal izango lukete. Gasteizko zentralak 1.356 MW sortzeko ahalmena izango du, eta Subillakoak, 1.040 MW. Dena den, biak ala biak Nafarroako egitasmoa baino txikiagoak dira, hark 2.165 MW sortuko bailituzke.
Egitasmoen ez dute data finkorik, eta oraindik baimen guztiak lortzeke dituzte. Horrelako egitasmo bat gauzatzea gainera ez da erraza. Ponpaketa zentral hidroelektrikoek bi urtegi behar dituzte, eta ura goikotik behera isuriz sortzen dute argindarra. Gero, kontsumo gutxiko orduak baliatuz, pilaturiko argindarra erabiltzen dute ur hori ponpa bidez goiko urtegira igotzeko. Ikusteko dago Araban aurrez eginiko urtegiren edo urmaelen bat erabiltzen duten; Nafarroako egitasmoan bi urtegiak eraiki egingo dituzte.
Energia
Ponpaketa bidezko bi zentral hidroelektriko eraiki nahi dituzte Araban
Altaya enpresak Gasteizen eta Subillan kokatu nahi ditu, eta bakoitzak bi urtegi behar ditu. Aurretik beste egitasmo bat aurkeztua du Nafarroan.
Iruzkinak
Ez dago iruzkinik
Ordenatu