Albistea entzun

Zinema

Alaitz Arenzana izendatu dute Zinegoak jaialdiko zuzendari

Bilboko LGTBI+ zinema eta arte eszenikoen jaialdia otsailaren 28tik martxoaren 7ra egingo dute

Alaitz Arenzana, Zinegoaken zuzendari berria.
Alaitz Arenzana, Zinegoaken zuzendari berria. Zinegoak Tamaina handiagoan ikusi

Berria -

2022ko urtarrilak 18

Zinegoak jaialdiak zuzendaritza artistiko berria izango du XIX. ekitaldian. Alaitz Arenzana artista bilbotarrak hartuko du jaialdiaren gidaritza; azken jaialdietan, zuzendaritza taldean ibilia da. Azken jaialdiak 18.000 bisitari baino gehiago izan zituen, eta antolatzaileek azaldu dutenez, «urtez urte gero eta nabariagoa da Zinegoak-en hazkundea». Egoera horretan, jaialdiak bere helburuak «berrikusi» nahi ditu epe ertain eta luzera, erronka berrietara egokituz.

Bide horretan, Arenzana izango da Zinegoaken zuzendari artistiko berria, eta Pau Guillenen lekukoa hartuko du. Azken horrek adierazi duenez, Arenzanak «barrutik ezagutzen du jaialdia; Euskal Herriko sare artistiko eta sozialarekin lotura handia du, eta talde osoaren babesa du Zinegoak jarduera eta lankidetza berriz hornitzeko eta etapa berri bat garatzeko».

Arenzana ikus-entzunezko komunikazioa ikasitakoa da EHUn, eta eskarmentu handia du ikus-entzunezkoen sorkuntzan eta proiektuen sorkuntzan. Hainbat aitorpen publiko ere egin dizkiote bere lan artistikoagatik.

Arenzanak «ilusioz» hartu du erronka. Zinegoak zuzenduko duen lehenengo emakumea izango da, eta, adierazi duenez, «jaialdia mantentzeko eta aberasteko borrokan» jarraituko du, «behar-beharrezkoa delako sexu identitatearen eta genero aniztasunaren alde lanean jarraitzea».

Lander Telletxearen kartelak

Bilboko XIX. Zinegoak otsailaren 28tik martxoaren 7ra egingo da, eta aurkeztu dute haren kartela. Aurtengo irudiak lesbianismoa eta sexu aniztasuna euskaraz izendatzeko moduei egingo die erreferentzia, marioker, lumatza, soropila, kapaza, kuir eta bestelako hitzekin. Irudia Lander Telletxea diseinatzaileak egin du. Hain zuzen ere, hainbat kartel izango dira jaialdiaren irudi aurten. Kontzeptu horiek June Fernandezek eta Amaia Alvarez Uriak sortutako eta Zinegoak-ek bultzatutako Nola izan/esan bollera euskaraz proiektuan bildu dira. Proiektu horretan, Euskal Herri osoan bildutako hainbat hitz dituen hiztegi bat egin dute, eta, besteak beste, Itxaro Bordak, Eli Pagolak, Danele Sarriugartek eta Ainara Artetxek parte hartu dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

James Joyceren <em>Ulises</em>-ek mendea bete du aurten. ©BERRIA
Bilboko Arte Ederren museoko 18. gela hartzen dute Rubensen lanek. ©OSKAR MATXIN EDESA / FOKU

2025ean nahi dute zabalik Bonnat museoa

Iñigo Astiz

Guztira, 4.000 metro koadro izango ditu Baionako Bonnat-Helleu museo berriak, eta maileguak egiten hasteko asmoa dute
Claudia Pages artista eta Clara Montero Tabakalerako kultur zuzendaria, Lau Pareta aretoan. ©GOTZON ARANBURU / FOKU

Gerundioaren buelta biolentoa

Itziar Ugarte Irizar

Claudia Pagesen 'Gerundi circular' bideo instalazioa jarri dute ikusgai Tabakaleran, urtarrilera arte
Inazio Mujika, Aintzane Atela, Miren Arratibel, Manu Lopez eta Joxean Muñoz, gaur goizean, Donostian. ©Gorka Rubio / Foku

Edith Wharton batu da Literatura Unibertsala bildumara

Itziar Ugarte Irizar

Egile estatubatuarraren 1911ko ‘Ethan Frome’ nobela laburra euskaratu dute Miren Arratibelek eta Aintzane Atelak. Izen bereko pertsonaiaren gorabeherak ditu ardatzean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...