46 urteko gizon bat hil da asteazken honetan Herrera gaineko (Araba) baso batean mozketa lanak egiten ari zela. Eusko Jaurlaritzako Segurtasun Sailak jakinarazi duenez.
Istripua 12:15ean gertatu da, Pipaon herritik gertu. Lanean ari zela, adar handi bat erori zaio gainera. Osakidetzako langileak, ertzainak eta suhiltzaileak joan dira istripua gertatu den lekura, baina ezin izan dute ezer egin. Hildakoa Villasana de Mena herrian (Burgos) bizi zen.
Aurten lan istripuan hildako laugarren behargina da, LAB sindikatuaren zenbaketaren arabera. Iaz, 62 langile hil ziren: sei, baso lanetan.
