Albistea entzun

Fipadoc

Fipadocen sari nagusia errezibitu du Poloniako 'The Balcony Movie' dokumentalak

Miarritzeko laugarren Fipadoc dokumental zinemaldiak sariak banatu zituen larunbatean, Gare de Midi aretoan.

'The Balcony Movie' filma.
'The Balcony Movie' filma. Fipadoc Tamaina handiagoan ikusi

Ainize Madariaga -

2022ko urtarrilak 24

Herenegun banatu zituen Fipadoc dokumental zinema festibalak laugarren aldiko sariak, Miarritzeko (Lapurdi) Gare du Midi aretoan. Christine Camdessus Fipadoceko arduradun nagusiak, Anne Georget Fipadoceko lehendakariak eta Brice Toussaintek aurkeztu zuten gaualdia.

Pawel Lozinskiri eman diote nazioarteko sari nagusia, The Balcony Movie lanagatik. Epaileek aitortu dute lanak ukan dituztela hautaketan, baina azkenean «dokumentalen boterea baieztatzen duen filma hautatu» dutela, eta «ikuspuntu baten hautu erradikalak gure eguneroko esperientzia eralda» dezakeela. Ororen buru, epaileen aburuz, Lozinskik «paradoxa» hau «baieztatzen» du: «intimitaterat heltzeko, behar den distantzia mantendu beharra da».

Camille Ponsini eman diote Fipadocen frantses sari nazional nagusia, Marie-josé vous attend a 16h dokumentalagatik. Epaileek halaxe laburtu dute haien hautua: «Durduzatu gaitu filma honek, argitara ekarri baitigu munduaren bertze puntan dauden emazte eta gizonak genozidioak mehatxatuak direla gure sistema politikoen konplizitateari esker».

Paraiso Sergio Trafaut zinemagilearen dokumentalarentzat izan da Fipadocen hirugarren sari nagusia, lan musikalei ematen zaiena. Brasil du protagonista obrak, eta erakusten du «bakardadeari aitzin egiteko» baliatzen duela musika.

Revolution of Our Time filmagatik eman diote Kiwi Chow egileari Fipadocek banatzen duen azken sari nagusia: inpaktuarena. «Gure garaiko filma da; estatuen botere ahalguztidunaz mintzo da, baita gureak ere badiren askatasunak defendatzen dituzten gazte kasik umezurtzak uzten ditugunen kuraiaz ere. Durduzatua ilkitzen gara hortik», laburtu du epaimahaiak.

Gainerako sariak hauek izan dira: Felix Gaedtke eta Gayatri Parameswaranek Smart saria ukan dute Kusunda lanagatik; Karim Ben Khelifak idazkera berrien saria errezibitu du Seven Grams lanagatik; Lotfi Achouren Angle mort lanak hartu du film laburren saria; sorkuntza berrien saria Zoe Brichauri eman diote Que no me roben los sueños lanagatik; Tenk saria, berriz, Joachim Michauxek jaso du Sur tes cendres obragatik; Pedro Moratoren En mis zapatos lanak Mitrani saria ukan du; Sergei Loznitsari Cine+ saria eskaini diote Babi yar Context lanagatik; komunikabideetan emazteei ematen dioten saria Marie-Pierre Jauryk eskuratu du Option éducation sexuelle lanagatik; eta Peter Triestek hartu europar gazteen saria A Parked Life lanari esker.

Azkenik, publikoaren saria Priscilla Pizzatok errezibitu du, Opera de Paris, une saison (tres) particuliere lanagatik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Herrialde Katalanetako Maduixa konpainiak <em>Migrare</em> emango du, lau emakume migratzaileren istorioa ardatz duen ikuskizuna. ©JUAN GABRIEL SANZ

Gaur hasiko da Leioako XXII. Umore Azoka

Itziar Ugarte Irizar

Gaurtik igandera bitarte, kaleko arte eszenikoei loturiko 90 emanaldi ikusi ahalko dira herrian. 40 konpainia eta sektoreko 220 profesional inguru batuko dira, eta estreinaldi ugari izango dira, batik bat, euskal konpainienak
 ©TALKA RECORDS & FILMS

'Black Is Beltza II' komikia bidean da

Andoni Imaz

'Black Is Beltza II: Ainhoa' komikia urriaren 6an argitaratuko dute, euskaraz, gaztelaniaz, katalanez eta galegoz. Susanna Martin marrazkilariak Manex aitaren grazia eman dio Ainhoa protagonistari

Imanol Beobide eta Mikel Alberdi, Mainlander taldeko kideak, atzo, Donostian. ©MAIALEN ANDRES / FOKU

Sufrimenduaz, goxotasunez

Ainhoa Sarasola

Rock progresiboaren ildotik, Mainlander taldeak zazpi abesti bildu ditu izen bereko estreinako diskoan. Gizartean oraindik ere tabuak diren zenbait gai mahai gainean jarri dituzte kantuetan
Aitor Fenandino eta Mikel Losada aktoreak, 'Bake lehorra antzezlaneko eszena batean ©Monika del Valle/Foku

Karlistaldian kokatutako gerrei buruzko antzezlana sortu du Patxo Telleriak

Iñigo Astiz

Zehazki, 1872ko karlisten eta liberalen arteko Zornotzako bake ituna hartu du abiapuntu antzerkigileak, baina kasu zehatzetik harago, bakeari eta gerrari buruz gogoeta egiten duen obra bat sortu du: 'Bake lehorra'. Astelehenean estreinatuko dute euskaraz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...