Albistea entzun

Pekingo Olinpiar Jokoak

Diploma olinpikoa lortu du Lucas Egibarrek

2018ko Olinpiar Jokoetan bezala, zazpigarren amaitu du snowboard kros proban. Lehen jaitsieratik kontrakarrean aritu da, eta, zorte apur batekin finalerdietara iritsi den arren, ezin izan du domina eskuratu.

Diploma olinpikoa lortu du Lucas Egibarrek
Diploma olinpikoa lortu du Lucas Egibarrek Tamaina handiagoan ikusi

Ainara Arratibel Gascon -

2022ko otsailak 10 17:39

Domina olinpikoa: horixe zen Lucas Egibarri bere garaipen zerrendan falta zitzaion domina. Bazuen itxaropena Pekingo Jokoetan lortzeko. Baina ezinezkoa izan da. Diploma olinpikoarekin konformatu behar izan du donostiarrak. Beste lau urte itxaron beharko du bere ametsa betetzeko. 2018ko Pyeonchangeko Jokoetan bezala, zazpigarren amaitu du, eta diploma olinpikoarekin konformatu behar izan du. Kontrakarrean aritu da jaitsiera guztietan Egibar. Kanporaketako jaitsieren aurreko bi txandetan ez da fin aritu, eta horrek bidea zaildu dio, kanporaketetan oso aurkari gogorrak egokitu baitzaizkio. Final-zortzirenetan zortea alde izan du, baina final-laurdenetan trabatuta geratu da irteeran, eta hor esan dio agur dominen ametsari. Bosgarren eta zortzigarren postuen arteko borrokan, aurrean zihoan lehiakidea erori zaio, eta ezin izan du hobetu 2018ko emaitza.

Iaz munduko txapeldun izatea lortu eta gero, Egibarrek bazuen itxaropena oraingo honetan domina lortzeko, nahiz eta baldintzak ez ziren onenak. Izan ere, komeria dezente pasatu ditu denboraldi honetan. Bizkarreko mina izan du buruhauste. Behin baino gehiagotan egin behar izan diote infiltrazioren bat lehiatzeko. Gainera, haren entrenatzaile Mario Fuchs suitzarrak etxean geratu behar izan zuen, koronabirusean positibo eman ondoren. Bestalde, zirkuitua ez zen egokiena Egibarren dohainetarako. Ezker hanka aurretik eramaten dutenei egiten zien mesede, eta Egibarrek eskuina eramaten du aurrean. Zirkuituko bosgarren bihurgunean erabakigarria zen hori.

Baina gogotsu zen Egibar, eta borrokatzeko prest. Lehiaketa ez da ondo hasi. Kanporaketako jaitsierak iritsi aurretik, Egibarrek bi sailkapen txanda egin behar izan ditu, eta hor ez da espero bezain ondo aritu. Lehenengoan 17. lekuan amaitu du, eta bigarrenean, 21. postuan. Horrek zaildu egin dio jarduna kanporaketetan. Hala oso aurkari gogorrak izan ditu final-zortzirenetan. Besteak beste, Munduko Kopako lider Martin Noerlen (Alemania) eta 2018ko Jokoetan zilarrezko domina lortu zuen Jarryd Hughes (Austria).

Donostiarra hazi egiten da halakoetan, eta oraingoan ere ez du huts egin. Oso jaitsiera ona eta inteligentea egin du final-zortzirenetan, eta, oso ondo irten ostean, ederki gainditu du bosgarren bihurgunea. Hori zen zailena Egibarrentzat, aurretik jartzen baitu eskuin hanka. Bigarren egin du azkenean, Martin Noerlen atzetik.Beste bi kanporaketa geratzen zitzaizkion dominen borrokan egoteko. Final-laurdenetan huts txiki bat egin du irteeran, eta atzean geratu da. Baina snowboard krosak ezaugarri bat badu, zera da: edozein huts txikik edo ukituk kanpoan uzten zaitu. Oraingoan, zortea alde izan du Egibarrek. Izan ere, Noerelek eta Mick Dierdorffek (AEB) elkar jo dute, jaitsiera azken txanpan sartzear zela. Hala, Egibarrek bigarren amaitu du, Alessandro Haemmerleren (Austria) atzetik.

Finalerdietan ere ez du irteera ona egin. Trabatuta geratu apur bat hasieran, eta, ondorioz, atzean geratu da. Eliot Grondinek (Italia) eta Haemmerlek abantaila dezente lortu dute, eta ezinezkoa izan da atzetik aurrera egitea. Merlin Surguet frantziarrak ere Egibarren aurretik amaitu du. Dominen borrokatik kanpo geratu arren, Egibarrek bazuen oraindik erronka bat: Pyeonchangeko zazpigarren postua hobetzea. Ez da posible izan, ordea. Berriro ere atzean geratu da hasieratik. Gainera, aurrera egiten ari zela, Tommaso Leoni (Italia) aurrean erori zaio, eta hirugarren amaitu du jaitsiera, Pyeonchangeko emaitza berdinduz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAGOBA MANTEROLA / FOKU

«Gozatzen dudalako jokatu izan dut beti, ez markak ezartzeko»

Beñat Mujika Telleria

Maria Españak urte asko daramatza Espainiako ligarik onenetan aritzen, eta kirol heldutasun betean dago. Bikain ari da denboraldi honetan. Kantxan erakusten duen lidergo bera erakusten du handik kanpo ere.
Iñaki Williams baloiarekin, denboraldi honetan San Mamesen Atletico Madrilen aurka jokatutako partidan. ©ARITZ LOIOLA / FOKU

Hutsune handia utzi du Williamsek

Haritz Gallastegi

Iñaki Williamsek marka ezarri du ligan: 251 partida jokatu ditu. Zelaian ari denean kritikatu egiten dute; ez dagoenean, aldiz, sumatu egiten da haren falta.

Eibarrek eta Alavesek lehen itzulian Ipuruan jokatutako derbiaren jokaldi bat. ©JAIZKI FONTANEDA / FOKU

Biak gora begira daude

Iñigo Lasa Fresneda

Alavesek eta Eibarrek sasoi onean jokatuko dute derbia larunbatean, Mendizorrotzan; bi taldeak goiko postuetan daude. Txema Añibarrok argi du: «Intentsitate eta parekotasun handiko partida izango da».

Osasunaren jarraitzaileak Sevillaren aurkako Kopako partidan. ©Jesús Diges, Efe

Indar Gorriko sei kide atxilotu dituzte Iruñean, borrokaldi batean parte hartu izana egotzita

Berria

Espainiako Poliziak 64 lagun atxilotu ditu guztira, azaroaren 27an Burgos eta Zaragoza taldeen arteko partidaren aurretik Burgosko El Plantio zelaiaren inguruan izandako borrokaldian parte hartzea leporatuta. Tartean daude Indar Gorriko sei jarraitzaile horiek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...