Albistea entzun

Katalunia

Aragonesek mobilizaziora deitu du independentismoa, negoziazio mahaia «blokeatua» dagoela iritzita

Generalitateko presidenteak ohartarazi du Kataluniako gatazka ez konpontzeak «eskuin muturrari atea irekitzea» dakarrela.

Alejandro Garca/EFE Tamaina handiagoan ikusi

Uxue Rey Gorraiz -

2022ko otsailak 14

Pere Aragones Generalitateko presidenteak diagnostiko argia egin du gaur Kataluniaren eta Espainiaren arteko negoziazio mahaiaren inguruan: negoziazioak trabatuak direla ekarri du gogora, eta, aterabide bila, eske argia egin dio mugimendu independentistari: mobilizazioa aktibatu dezatela. Aragonesek nabarmendu du indarrak «batu» beharra dagoela. Hain zuzen, adierazi duenez, egoera desblokeatzea xede, premiazkoa da Madrili presioa egiteko «erreminta guztiak» martxan jartzea.

Negoziazio mahaiaren hurrengo hitzordua ahalik lasterren izan dadila nahi du Aragonesek, adierazi duenez. Ordea, oraindik ez dute erdietsi Madrilekin data bat zehaztea. Zorrotz, Pedro Sanchezen jarrera kritikatu du. «Espainiako Gobernuari exijitu behar diogu erakuts dezala haren konpromiso demokratikoa».

Hori bakarrik ez, Generalitateko presidenteak ohartarazpen garbia egin du: «Gatazka konpontzen ez den bitartean, Espainia autoritarismoranzko bidea ari da hartzen. Hori ondoriozta daiteke, besteak beste, eskuin muturraren goraldi ikusita», azaldu du Aragonesek. Iradoki du Madrili «ausardi» faltak ateak zabalduko dizkiola eskuinak eta eskuin muturrak osatutako gobernu bat osatzeari.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Gerald Darmanin Frantziak Barne eta Itsasoz Haraindiko ministroa —irudiaren erdian—, gaur, Noumean, bilkura batean ©@GDarmanin

Darmaninek «elkarrizketei berriz ekitea» jarri du helburutzat Kaledonia Berrian

Ander Perez Zala

Urtebetean baino gehiagoan lehen aldiz, independentistek baiezkoa eman diote negoziazioetan parte hartzeari.

Zero COVID neurrien aurkako manifestariak, bart, Pekinen. ©MARK R. CRISTINO / EFE

Milaka lagun kalera irten dira Txinan, Zero COVID politiken aurkako protestetan

Paulo Ostolaza

Herrialdeko hiri nagusietan izan dira protestak, tartean, Pekin hiriburuan. Urumqi hiriko sute batean hamar lagun hil izanak leherrarazi ditu manifestazioak.

Peruko presidente Pedro Castillo (erdian), Ministroen Kontseilua berritu ostea, joan den ostiralean, Liman. ©EFE

Peruko Botere Judizialak Castillori eskatu dio estatuko erakundeak bilera batera dei ditzala, adostasuna lortzeko

Mikel O. Iribar

Gobernuaren eta Kongresuaren arteko tentsioa areagotu egin da azken egunotan; ganberak ezezkoa eman dio presidentearen konfiantza mozioari, eta Ministroen Kontseilua berritu behar izan dute.

Irango emakumeen aldeko protesta, Istanbulen (Turkia), iragan larunbatean. ©EFE / Erdem Sahin

Iranek ez du NBErekin kooperatuko protestetako errepresioa ikertzeko

Maddi Iztueta Olano

NBEk misio independente bat sortu du mobilizazioen aurkako errepresioa ikertzeko. Mahsa Aminiren hilketaren aurkako manifestazioetan 300 lagundik gora hil dituzte, eta 15.000 herritar atxilotu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...