Albistea entzun

Tabakalerak 'Une musique intériure' erakusketa zabalduko du gaur

Gaur inauguratuko dute, eta apirilaren 24ra bitartean egongo da ikusgai.

Gaur zabalduko dute 'Une musique intériure' erakusketa, Tabakaleran.
Gaur zabalduko dute 'Une musique intériure' erakusketa, Tabakaleran. Tabakalera Tamaina handiagoan ikusi

Jone Bastida Alzuru -

2022ko otsailak 18 14:11

Une musique intérieure (Jokabidea, hizkuntza, ahotsa eta barne entzumena) erakusketa zabalduko dute gaur Donostiako Tabakalera zentroan, Lau Pareta aretoan. Askotariko diziplinak dituen proiektu gisa definitu dute: «Publikoa, barne musika baten modura, barne bizitzaren eta kanpo munduaren arteko harremanak orekatzeko erabiltzen dituen portaera eta lengoaiak zalantzan jartzera gonbidatzen duen egitasmoa». Gaur inauguratuko dute, eta apirilaren 24ra bitartean egongo da ikusgai.

Erakusketaz gain, jarduera programa «zabal» batek osatzen du proiektua: performanceek, kontzertuek, hitzaldiek eta beste. Tokiko eta nazioarteko artistek hartuko dute parte. «Une musique intérieure-k partiturak, ariketak, oharrak eta jarraibideak aztertu, eta kontzertu, performance, irakurketa eta hitzaldi bezala aktibatuko ditu».

Georgia Sagri eta Delia Gonzalez artisten performance baten interpretazioarekin abiatuko dute egitasmoa: Solo - Nature Study Notes - 1969-2019 [Athens Version] 2021. Atenasen egin zuten obra horren lehen bertsioa, joan den udan, eta, jakinarazi dutenez, Donostian esparru kultural, estetiko eta instituzional berri batean sortzen dituen harrera moduak aztertzeko «beste modu bat» bilatu nahi du: «Pieza honek, beste obra eta esku hartzeekin batera, publikoa bere barne musikarekin duen harremana aurkitzera bultzatzen du». 18:00etan hasiko da; jarraian egingo dute erakusketaren irekiera.

Erakusketak 60ko eta 70eko hamarkadetako arte kontzeptualaren ondarea aztertuko du, «ekoizpen artistiko berrien eta hainbat berrikuspen historikoren bidez». Pierre Bal-Bancek egingo ditu komisario lanak, Oier Etxeberriarekin solasean.

Guztira, hamasei artistaren lanak erakutsiko dituzte; besteak beste, Donostian bizi zen Amable Ariasena. Nazioartean proiekzio handia izan duten artisten belaunaldi berri bat ere izango da: hala nola Eva Barto, Delia Gonzalez, Daniel Gru, Mattin, Georgia Sagri eta Matthieu Saladin. Horietako batzuk lan berriak ekoitzi dituzte erakusketarako; beste batzuek, berriz, testuingurura egokitu dituzte.

Une musique intérieure-k duela hilabete batzuk Tabakalerak soinuaren eta musika esperimentalaren inguruan abian jarri zuen lan ildoari jarraituko dio.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Inazio Mujika, Aintzane Atela, Miren Arratibel, Manu Lopez eta Joxean Muñoz, gaur goizean, Donostian. ©Gorka Rubio / Foku

Edith Wharton batu da Literatura Unibertsala bildumara

Itziar Ugarte Irizar

Egile estatubatuarraren 1911ko ‘Ethan Frome’ nobela laburra euskaratu dute Miren Arratibelek eta Aintzane Atelak. Izen bereko pertsonaiaren gorabeherak ditu ardatzean.

Alex Sanvi eta Unai Iturriaga, atzo, Elkarreko komikiaren txokoan, Donostian. ©MAIALEN ANDRES / FOKU

Mundura atera dira H.B. eta Lo-li-ta

Itziar Ugarte Irizar

Unai Iturriagak eta Alex Sanvik 'Haur Besoetakoa. Itsasoan urak handi' komikia eman dute, Ikastolen Elkartearen eta 'Xabiroi'-ren eskutik. Orain arteko albumik «sendoena» dela uste dute

 ©JAIZKI FONTANEDA / @FOKU

Euskal Herrira itzuliko da gaur Patti Smith

Aitor Biain

Gasteizko Azkena Rock jaialdian eskainitako emanaldiaren ondotik, Euskal Herrira itzuliko da Patti Smith; Donostiako Kursaal auditoriumean ariko da gaur iluntzean. Punk-rockaren ikur handienetako bat da, eta Donostian emango dio amaiera Europa osoan egindako kontzertu birari.

Alexei Volodin pianista, artxiboko irudi batean. ©EUSKADIKO ORKESTRA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.