Istripua 06:00 aldera istripua gertatu da Cascanten (Nafarroa), eta pertsona bat hil da. Foruzaingoaren arabera, haren ibilgailua errepidetik atera da, eta lan batzuetako hormigoizko hesiak jo ditu. Autoak su hartu du, eta erabat kiskali da, gidaria barruan zela.
N-121-C errepideko 10. kilometroan gertatu da ezbeharra. Suhiltzaileek itzali dute sua, eta foruzainak istripua ikertzeari ekin diote.
Zauritu larri bat
Cascantekoa ez da goizaldeko istripu bakarra izan Nafarroan. Añorbe herrian, 08:00 aldera beste ezbehar bat gertatu da: bi autok elkar jo dute, eta pertsona bat larri zauritu da.
NA-6020 errepideko 5. kilometroan gertatu da talka.
