Eusko Jaurlaritzako Segurtasun Sailak jakinarazi duenez, 79 urteko emakumezko bat hil da gaur goizaldean Barakaldon (Bizkaia), etxebizitza batean piztutako sute batean. 06:20 inguruan sortu da sua, Axular kaleko eraikin batean, eta bertara joan dira Ertzaintza, Udaltzaingoa eta suhiltzaileak. Etxebizitzara sartzerakoan, barruan topatu dute andrea, hilik.
Beste bi pertsona ere artatu dituzte, kea arnastu dutela eta. Sutea itzali dute jada.