Bizkaiko EHU Euskal Herriko Unibertsitateko ikasleek ordubeteko saioak egin ahal izango dituzte psikologoekin 45 euroan, Bizkaiko Psikologia Elkargoak jakinarazi duenez. Begoña Rueda Bizkaiko Psikologia Elkargoko dekanoak nabarmendu du «oso garrantzitsua» dela ikasleen buru osasunean eragin dezaketen gorabehera guztiei aurre egiteko tresnak ematea. Horrez gain, ikasleek «beren poltsikora hobeto egokitutako laguntza psikologikoa jaso ahal izatea» nahi dute.
EHUko Arreta Psikologikoko Zerbitzua arduratuko da lehen ebaluazio eta orientazio diagnostikoaz. Horren ondoren, nahi duten ikasleek tratamenduarekin jarraitu ahalko dute: 8-10 saio gehiago izango dira 45 euroan.
Saioak amaitu ondoren, tratamenduarekin jarraitu behar dutenei orientazioa emango zaie.
